நடிப்புலகில் தனக்கென அழியாத இடத்தைப் பிடித்த நடிகர் திலகம் சிவாஜி கணேசனின் 99வது பிறந்தநாள் இன்று அனுசரிக்கப்படுகிறது. இதையொட்டி முதல்வர் விஜய், சிவாஜி கணேசனின் கலைப்பயணத்தையும் நடிப்புத் திறமையையும் நினைவுகூர்ந்து புகழாரம் சூட்டியுள்ளார்.
விஜய் வெளியிட்டுள்ள பதிவில், தனது தனித்துவமான நடிப்பாலும் கம்பீரமான குரலாலும் ஏற்ற கதாபாத்திரங்களுக்கு உயிர் கொடுத்து, திரையுலகின் இமயமாகவும் உலகத் தமிழர்களின் மனதில் நீங்கா இடம் பெற்றவராகவும் சிவாஜி கணேசன் திகழ்ந்ததாக குறிப்பிட்டுள்ளார்.
வரலாற்று மற்றும் புராண கதாபாத்திரங்கள் முதல் சமூகத்தின் சாதாரண மனிதர்கள் வரை பல்வேறு வேடங்களை தனது நடிப்பால் உயிர்ப்பித்ததுடன், தமிழ் மொழியின் சிறப்பையும் பெருமையையும் திரைப்படங்கள் வழியாக உலகம் அறியச் செய்தவர் என்றும் விஜய் தெரிவித்துள்ளார். அன்பு, பாசம், வீரம், கோபம், சோகம் உள்ளிட்ட பல்வேறு மனித உணர்வுகளையும் தனது நடிப்பில் வெளிப்படுத்திய சிவாஜி கணேசனின் கலைச்சாதனைகள் தலைமுறைகளை கடந்தும் தமிழ் மண்ணின் பெருமையாக நிலைத்திருக்கும் என்றும் அவர் பதிவிட்டுள்ளார்.
—
