பாலிவுட்டின் முன்னணி நடிகைகளில் ஒருவரான ரவீனா தாண்டன், 1990-களில் இந்திப் படங்கள் மூலம் ரசிகர்களிடம் பிரபலமானவர். தமிழில் ‘சாது’, ‘ஆளவந்தான்’ உள்ளிட்ட படங்களில் நடித்துள்ள இவர், சமீபத்தில் சூர்யா நடிப்பில் வெளியான ‘விஸ்வநாத் அண்ட் சன்ஸ்’ திரைப்படத்திலும் முக்கிய கதாபாத்திரத்தில் நடித்திருந்தார்.
இந்நிலையில், பொது இடங்களில் திரைப்பிரபலங்கள் எதிர்கொள்ளும் அசௌகரியங்கள் குறித்து ரவீனா தாண்டன் தனது கருத்தைப் பகிர்ந்துள்ளார். விமான நிலையங்கள், வணிக வளாகங்கள் போன்ற இடங்களில் பிரபலங்களைப் புகைப்படம் எடுப்பதில் தவறில்லை என்றாலும், சிலர் அவர்களைப் பின்தொடர்ந்து சென்று தொடர்ந்து புகைப்படம் எடுப்பது தொந்தரவாக இருப்பதாகக் குறிப்பிட்டுள்ளார்.
இதுகுறித்து அவர் பேசும்போது, “பொது இடங்களில் புகைப்படம் எடுப்பதில் எந்தப் பிரச்சினையும் இல்லை. ஆனால், சிலர் எங்களைத் துரத்திச் சென்று எங்கு சென்றாலும் புகைப்படம் எடுக்கிறார்கள். இது அசௌகரியத்தை ஏற்படுத்துகிறது. பிரபலங்கள் என்பதைத் தாண்டி நாங்களும் மனிதர்கள்தான். எங்களுக்கும் தனிப்பட்ட வாழ்க்கை இருக்கிறது. எங்களுடைய தனியுரிமைக்கும் மதிப்பளிக்க வேண்டும்” என்று தெரிவித்துள்ளார்.
