Advertisement

கவனம் பெறும் ‘நூறு சாமி’ படத்தின் ‘அம்மா அம்மாதான்’ பாடல்!

திரைத்துறையில் முதன்முதலில் இசையமைப்பாளராக தனது பயணத்தைத் தொடங்கிய விஜய் ஆண்டனி, பின்னர் நடிப்பிலும் அதிக ஆர்வம் கொண்டு ‘சலீம்’, ‘இந்தியா பாகிஸ்தான்’, ‘பிச்சைக்காரன்’ போன்ற திரைப்படங்களில் நடித்ததன் மூலம் ரசிகர்களிடையே பெரும் வரவேற்பைப் பெற்றார். குறிப்பாக இயக்குநர் சசி மற்றும் விஜய் ஆண்டனி இணைந்து உருவாக்கிய ‘பிச்சைக்காரன்’ திரைப்படம், அவரை முழுமையான கதாநாயகனாக நிலைநிறுத்திய முக்கிய படமாக அமைந்தது. இந்தப் படத்தில் இடம்பெற்ற ‘நூறு சாமிகள் இருந்தாலும்’ என்ற பாடல் இன்று வரை ரசிகர்களால் கேட்கப்பட்டு வரும் பிரபலமான பாடல்களில் ஒன்றாகத் திகழ்கிறது. இந்த வெற்றிக் கூட்டணி தற்போது மீண்டும் ஒன்றிணைந்து புதிய திரைப்படத்தை உருவாக்கி வருகிறது. உணர்ச்சியை மையமாகக் கொண்ட இந்தக் கதைக்கு ‘நூறு சாமி’ என்ற தலைப்பு வைக்கப்பட்டுள்ளது.

தற்போது ‘நூறு சாமி’ திரைப்படத்தின் மூலம் இந்த வெற்றிகரமான கூட்டணி மீண்டும் இணைந்துள்ளது. இதில் விஜய் ஆண்டனி உடன் அஜய் திஷான், சுவாசிகா, லிஜோ மோல் ஜோஸ், கருணாஸ், காவ்யா அனில் உள்ளிட்டோர் முக்கியமான கதாபாத்திரங்களில் நடித்துள்ளனர். இப்படத்தின் பர்ஸ்ட் லுக் போஸ்டரை இயக்குநர் வெற்றிமாறன் சமீபத்தில் வெளியிட்டார். மேலும், இந்தப் படத்தின் டீசர் மற்றும் முதல் பாடல் வெளியாகி ரசிகர்களின் கவனத்தை ஈர்த்துள்ளது.

இந்த நிலையில், ‘நூறு சாமி’ திரைப்படத்தின் இரண்டாவது பாடலாக ‘அம்மா அம்மாதான்’ பாடல் தற்போது வெளியிடப்பட்டுள்ளது. இந்தப் பாடலை மோகன் ராஜா எழுதியுள்ளார், மேலும் பாலாஜி ஸ்ரீராம் இசையமைத்துள்ளார். இந்த திரைப்படம் விரைவில் திரையரங்குகளில் வெளியாகும் என எதிர்பார்க்கப்படுகிறது.

—

Add a Comment

Leave a Reply