Advertisement

‘சிறை’ படத்தின் வெற்றியைத் தொடர்ந்து புதிய திரைப்படத்தில் கதாநாயகனாக நடிக்கும் எல்.கே.அக்ஷய் குமார்!

‘சிறை’ திரைப்படத்தின் மூலம் கவனம் பெற்ற நடிகர் அக்சய் குமார் கதாநாயகனாக நடிக்கும் புதிய திரைப்படத்தின் படப்பிடிப்பு அதிகாரப்பூர்வமாக தொடங்கியுள்ளது. இந்தப் படத்தை அறிமுக இயக்குநர் விக்னேஷ் வடிவேல் இயக்குகிறார். செவன் ஸ்கிரீன் ஸ்டுடியோஸ் நிறுவனம் தயாரிக்கும் இந்த திரைப்படத்தின் பூஜை விழா சென்னையில் நடைபெற்றுள்ளது. படக்குழுவினர் மற்றும் தொழில்துறை முக்கிய பிரமுகர்கள் கலந்துகொண்ட இந்த நிகழ்வுடன் படப்பிடிப்பு பணிகள் ஆரம்பமாகியுள்ளன.

இந்த திரைப்படத்தில் கதாநாயகனாக எல்.கே. அக்சய் குமார் நடிக்க, ஜாபர் சாதிக், நோபல் கே. ஜேம்ஸ், அருணாச்சலேஸ்வரன், ஷாரீக் ஹாஸன் மற்றும் ‘டியூட்’ திரைப்படத்தின் மூலம் அறிமுகமான நடிகை ஐஸ்வர்யா சர்மா உள்ளிட்ட பலர் முக்கிய வேடங்களில் நடித்துள்ளனர். புதிய நடிகர்கள் மற்றும் அனுபவம் வாய்ந்த கலைஞர்கள் இணைந்துள்ளதால், இப்படத்தின் நடிகர் பட்டியல் கவனம் ஈர்க்கும் வகையில் அமைந்துள்ளது.

தமிழ் மற்றும் மலையாளம் ஆகிய இரண்டு மொழிகளில் ஒரே நேரத்தில் நேரடியாக உருவாகி வரும் இந்தப் படத்தின் தலைப்பு மற்றும் பர்ஸ்ட் லுக் போஸ்டர் வருகிற 26ஆம் தேதி வெளியிடப்படும் என படக்குழு அறிவித்துள்ளது. இதன் மூலம் படத்தின் மீதான எதிர்பார்ப்பு ரசிகர்களிடையே அதிகரித்துள்ளது. முன்னதாக அக்சய் குமார் நடித்த ‘சிறை’ திரைப்படம் உலகளவில் ரூ.31.58 கோடி வசூலித்தது குறிப்பிடத்தக்கது. அந்த வெற்றிக்குப் பிறகு உருவாகும் இந்த புதிய படம் மீதும் திரையுலக வட்டாரத்தில் எதிர்பார்ப்பு நிலவுகிறது.

Add a Comment

Leave a Reply