நடிகர் ஜெயராமின் மகனான காளிதாஸ் ஜெயராம் தமிழ் திரைப்படங்கள் மூலம் தனது திரையுலக பயணத்தை தொடங்கியவர். தற்போது அவர், அதனைத் தொடர்ந்து மலையாள சினிமாவிலும் கதாநாயகனாகவும் முக்கிய கதாபாத்திரங்களிலும் நடித்து கவனம் பெற்றார். ஆரம்ப காலத்திற்குப் பிறகு, ‘புத்தம் புது காலை’, ‘பாவ கதைகள்’ போன்ற படைப்புகள் அவரது நடிப்புத் திறமையை வெளிப்படுத்தின. இதனைத் தொடர்ந்து கமல்ஹாசனுடன் இணைந்து நடித்த ‘விக்ரம்’ மற்றும் ‘நட்சத்திரம் நகர்கிறது’ போன்ற திரைப்படங்கள், காளிதாஸ் ஜெயராமின் திரை வாழ்க்கையில் முக்கியமான திருப்பமாக அமைந்து, அவர்மீது கூடுதல் வெளிச்சத்தைப் பாய்ச்சின.
இதற்கிடையில், கடந்த 2025ஆம் ஆண்டு காளிதாஸ் நடித்த எந்தத் திரைப்படமும் வெளியானதில்லை. இந்த சூழ்நிலையில், சுமார் மூன்று ஆண்டுகளுக்குப் பிறகு தற்போது அவர் மலையாளத்தில் ‘மெனி மெனி ஹேப்பி ரிட்டர்ன்ஸ்’ என்ற புதிய திரைப்படத்தில் நடிக்க ஒப்பந்தமாகியுள்ளார். இந்தப் படம் காளிதாஸ் ஜெயராமின் மலையாள திரையுலக மீள்வருகையாக பார்க்கப்படுகிறது.
இந்த திரைப்படத்தை அகமத் கபீர் இயக்குகிறார். இவர் ‘மதுரம்’ மற்றும் ‘கேரள கிரைம் பைல்ஸ்’ ஆகிய படங்களின் மூலம் மலையாள சினிமாவில் கவனம் பெற்ற இயக்குநர் என்பது குறிப்பிடத்தக்கது. ‘மெனி மெனி ஹேப்பி ரிட்டர்ன்ஸ்’ படத்தின் படப்பிடிப்பு நேற்று முதல் அதிகாரப்பூர்வமாக தொடங்கியுள்ளதாக படக்குழு தெரிவித்துள்ளது.
