நடிகர் சியான் விக்ரம், துஷாரா விஜயன், எஸ்ஜே சூர்யா, சுராஜ் வெங்சாரமுடு உள்ளிட்டவர்கள் இணைந்துள்ள படம் த் வீர தீர சூரன். விக்ரமின் பொன்னியின் செல்வன் 2 படம் கடந்த ஆண்டில் வெளியாகியதை தொடர்ந்து தங்கலான் படம் பா ரஞ்சித் இயக்கத்தில் ரிலீசுக்கு தயாராகியுள்ளது.
ஆனால் கவுதம் வாசுதேவ் மேனனின் துருவ நட்சத்திரம் படம் மட்டும் ரிலீசுக்கு தள்ளாடி வருகிறது. இந்த இரு படங்களிலும் இருவேறு வெர்ஷன்களில் விக்ரம் நடித்துள்ளார். இந்தப் படங்கள் அடுத்தடுத்து வெளியாகும் என ரசிகர்கள் மிகுந்த ஆசையுடன் காத்திருக்கின்றனர்.
விக்ரமின் 62வது படமாக வீர தீர சூரன் படத்தின் சூட்டிங் விரைவில் துவங்கவுள்ளது. சித்தா படத்தின்மூலம் கவனம் பெற்ற அருண்குமார் இந்தப் படத்தை இயக்கவுள்ளார் ஹெச் ஆர் பிக்சர்ஸ் சார்பில் ரியா ஷிபு தயாரிக்கவுள்ளார் .இந்தப் படத்தின் அறிமுக டீசர் கடந்த சில மாதங்களுக்கு முன்னதாகவே வெளியாகி ஏராளமான ரசிகர்களை கவர்ந்தது.
தற்போது சில தினங்களுக்கு முன்பு விக்ரமின் பிறந்தநாளையொட்டி படத்தின் டைட்டிலும் டீசருடன் வெளியாகி படத்தின் பெயர் வீர தீர சூரன் என்று அறிவிக்கப்பட்டதும் ரசிகர்கள் கெத்தாக கொண்டாடினர்.
இந்நிலையில் இந்தப் படத்தில் 350க்கும் மேற்பட்ட மலையாளப் படங்களில் நடித்த பிரபல நடிகர் சுராஜ் இணைந்துள்ளதாக படக்குழு சார்பில் அதிகாரப்பூர்வமாக அறிவிக்கப்பட்டுள்ளது. இவர் வில்லனாக நடிக்க வாய்ப்புள்ளதாகவும் இவரது கதாப்பாத்திரத்திம் மிகவும் ஆழமானதாக அமையும் என்று கூறப்படுகிறது.
