துணிவு படத்தின் வெற்றிக்குப் பிறகு நடிகர் அஜித்குமார், மகிழ் திருமேனி இயக்கும் விடாமுயற்சி படத்தில் நடித்து வருகிறார். நீண்ட நாட்களாக தாமதமாகி வந்த படப்பிடிப்பு ஒரு கட்டத்தில் அசர்பைசனில் வேகமாக நடந்துவந்தது.அந்நிலையில் அங்கு நிலவும் காலசூழ்நிலை காரணமாக படப்பிடிப்பு தடைபட்டது.
அதற்கு பின்னர் இதுவரை அடுத்தகட்ட படப்பிடிப்பு தொடங்கவில்லை.இப்படத்தை லைகா நிறுவனம் தயாரித்துள்ளது.இந்தப் படத்துக்கு அனிருத் இசையமைக்கிறார். இப்படத்தில் த்ரிஷா, ரெஜினா, அர்ஜுன், ஆரவ் ஆகியோர் முக்கிய வேடங்களில் நடித்துள்ளனர்.
கடந்த மாதம் இப்படத்தில் அஜித்தின் ஸ்டண்ட் காட்சி வெளியாகி சமூக வலைதளங்களில் வைரலானது.அஜித்குமார் ஆதிக் ரவிச்சந்திரன் இயக்கத்தில் தி குட் பேட் அக்லி என்ற அவரது மற்றொரு படத்தில் கமிட்டானார்.இப்படம் அடுத்த ஆண்டு பொங்கல் பண்டிகைக்கு வெளியாகும் என அறிவிக்கப்பட்டுள்ளது.
மார்க் ஆண்டனி படத்தின் மூலம் பிரபலமான ஆதிக் ரவிச்சந்திரன் இப்படத்தை இயக்கவுள்ளார். இப்படத்தை பிரபல தெலுங்கு தயாரிப்பு நிறுவனமான மைத்ரி மூவிஸ் தயாரித்துள்ளது.விடா முயற்சி படத்தின் படப்பிடிப்பு தாமதமான நிலையில் தி குட் பேட் அக்லி படத்தின் படப்பிடிப்பு நேற்று ஹைதராபாத்தில் பூஜையுடன் தொடங்கியது. ஆனால், இந்த படப்பிடிப்பில் அஜித் பங்கேற்கவில்லை என தகவல்கள் வெளியாகியுள்ளன.
