சித்தார்த் பாய்ஸ் படத்தின் மூலம் திரையுலகிற்கு அறிமுகமானார் மற்றும் மக்கள் மனதில் இடம் பெற்றார். பின்னர், அவர் மணி ரத்னம் இயக்கிய ஆயுத எழுத்து படத்தில் நடித்தார். இதனைத் தொடர்ந்து, தெலுங்கு சினிமாவில் கவனம் செலுத்தினார்.
ஐந்து ஆண்டுகளுக்குப் பின், 180 படத்தின் மூலம் தமிழில் மீண்டும் தோன்றினார்.அதன்பிறகு காதலில் சொதப்புவது எப்படி மற்றும் உதயம் என் ஹெச் 4 ஆகிய படங்களில் நடித்தார், ஆனால் இவை போதிய வரவேற்பை பெறவில்லை. எனினும், கார்த்திக் சுப்புராஜ் இயக்கிய ஜிகர்தண்டா திரைப்படத்தின் மூலம் சித்தார்த் தன்னை மீண்டும் நிலைநாட்டிக் கொண்டார்.
மேலும், சித்தா என்ற வெற்றி படத்தின் மூலம் அவர் தமிழ் சினிமாவில் கம்பேக் கொடுத்தார்.சினிமா மட்டுமின்றி, சமூக கருத்துக்களை வெளியிட்டு சில சர்ச்சைகளிலும் சிக்கினார். தற்போது, 8 தோட்டாக்கள் மற்றும் குருதி ஆட்டம் ஆகிய படங்களை இயக்கிய ஸ்ரீகணேஷ் சித்தார்தின் 40-வது படத்தை இயக்கவுள்ளதாக அறிவிக்கப்பட்டுள்ளது. இந்த படத்தை ஷாந்தி டாக்கீஸ் நிறுவனம் தயாரிக்க இருக்கிறது.
ஏற்கனவே வெளியிட்ட அறிவிப்பில், சித்தார்தின் 40-வது படத்தை ஸ்ரீகணேஷ் இயக்கவிருப்பதாகவும், இது மிகப்பெரிய எதிர்பார்ப்பை ஏற்படுத்தும் கதையைக் கொண்டிருக்கும் என்றும், அனைவரது இதயங்களிலும் இடம் பெறும் என்றும் தெரிவிக்கப்பட்டுள்ளது.
