இயக்குனர் பாலா, அருண் விஜய் நடிப்பில் ‘வணங்கான்’ என்ற திரைப்படத்தை இயக்கியுள்ளார். இந்த படத்தில் அருண் விஜய் புதிய தோற்றத்துடன் வித்தியாசமான நடிப்பை அளித்துள்ளார். இவருடன் ரோஷினி பிரகாஷ், சமுத்திரக்கனி, மிஸ்கின், சாயா தேவி உள்ளிட்டோர் முக்கியக் கதாபாத்திரங்களில் நடித்துள்ளனர்.
இந்த படத்தை வி ஹவுஸ் புரொடக்சன்ஸ் நிறுவனத்தின் சார்பில் சுரேஷ் காமாட்சி தயாரித்துள்ளார். இசையமைப்பாளர் ஜி.வி. பிரகாஷ் இந்த படத்திற்கு இசையமைத்துள்ளார். சமீபத்தில் இப்படத்தின் டீசர் மற்றும் டிரெய்லர் வெளியிடப்பட்டு ரசிகர்களின் மத்தியில் பெரும் வரவேற்பைப் பெற்றுள்ளது. இதற்கு யு/ஏ சான்றிதழ் வழங்கப்பட்டுள்ளது.
‘வணங்கான்’ படத்தின் படப்பிடிப்பு பணிகள் நிறைவடைந்துவிட்ட நிலையில், ரிலீஸ் தேதி அறிவிக்கப்படாமல் இருந்தது. இன்று நடிகர் அருண் விஜய் தனது 46வது பிறந்த நாளை கொண்டாடும் போது, படக்குழு அவருக்கு பிறந்தநாள் வாழ்த்துக்களுடன் சிறப்பு போஸ்டரை வெளியிட்டுள்ளது. அதில் ‘வணங்கான்’ படம் அடுத்த ஆண்டு பொங்கலுக்கு திரையரங்குகளில் வெளியாகும் என அறிவிக்கப்பட்டுள்ளது.
