முதல்வர் விஜய்யை வைத்து ‘தெறி’, ‘மெர்சல்’, ‘பிகில்’ என தொடர்ந்து வெற்றிப் படங்களை கொடுத்தவர் இயக்குநர் அட்லி. தற்போது ஜேசன் சஞ்சய் இயக்குநராக அறிமுகமாகியுள்ள நிலையில், அவருடன் எதிர்காலத்தில் இணைந்து பணியாற்றும் வாய்ப்பு குறித்து அட்லியிடம் கேள்வி எழுப்பப்பட்டுள்ளது.
இதற்கு பதிலளித்த அட்லி, ஜேசன் சஞ்சய் தனது தம்பி போன்றவர் என்றும், இருவரும் நிச்சயம் இணைந்து பணியாற்றுவோம் என்றும் தெரிவித்துள்ளார். தங்களிடம் பல கதைகள் தயாராக இருப்பதாகவும், திரைப்படம் உருவாக்குவதுதான் தங்களுக்குத் தெரிந்த மிகச்சிறந்த வேலை என்றும் அவர் குறிப்பிட்டுள்ளார்.
ஜேசனுடன் இயக்குநராக இணைவாரா அல்லது தயாரிப்பாளராக செயல்படுவாரா என்ற கேள்விக்கும், சரியான நேரத்தில் சரியான கதை மற்றும் திட்டம் அமையும்போது அதுகுறித்து முடிவு செய்வோம் என அட்லி தெரிவித்துள்ளார். இதன் மூலம் எதிர்கால கூட்டணிக்கான வாய்ப்பை அவர் மறுக்கவில்லை என்றாலும், தற்போது எந்த குறிப்பிட்ட படமும் அதிகாரப்பூர்வமாக அறிவிக்கப்படவில்லை. ஜேசன் சஞ்சய் இயக்கியுள்ள ‘சிக்மா’ படத்தில் சந்தீப் கிஷன் மற்றும் ஃபரியா அப்துல்லா ஆகியோர் நடித்துள்ளனர். இந்நிலையில், அட்லியின் இந்த பேச்சு இருவரும் எதிர்காலத்தில் இணைவார்களா என்ற எதிர்பார்ப்பை ரசிகர்கள் மத்தியில் ஏற்படுத்தியுள்ளது.
—
