ஸ்வீடனில் பிறந்து வளர்ந்த நடிகை எல்லி அவ்ரம், பாலிவுட்டில் தனது திரைப்பயணத்தை உருவாக்கியதுடன், தமிழிலும் தனுஷ் நடித்த ‘நானே வருவேன்’ திரைப்படத்தில் நடித்துள்ளார். இந்திய சினிமாவில் சாதிக்க வேண்டும் என்ற கனவுக்காக எடுத்த முடிவு தனது வாழ்க்கையை முற்றிலும் மாற்றிவிட்டதாக அவர் பகிர்ந்துள்ளார்.
சிறு வயதிலேயே நடிகையாக வேண்டும் என்ற இலக்குடன் இந்தியா வந்ததை நினைவுகூர்ந்த எல்லி அவ்ரம், அந்த முடிவு தான் தனது வாழ்வின் மிக முக்கியமான திருப்புமுனை என கூறியுள்ளார். பல சவால்களையும் போராட்டங்களையும் எதிர்கொண்டாலும், அவை அனைத்தும் இன்று திரும்பிப் பார்க்கும்போது அர்த்தமுள்ள அனுபவங்களாகவே தோன்றுகின்றன என்றும் தெரிவித்துள்ளார்.
இந்த அனுபவங்களைப் பற்றி மேலும் பேசிய அவர், “இந்தியா எனக்கு ஒரு புதிய வாழ்க்கை பார்வையை வழங்கியது. இங்குள்ள மக்கள், கலாச்சாரம், உறவுகள், வாழ்க்கை முறை மற்றும் சவால்கள் என பல்வேறு விஷயங்களை நெருக்கமாக அறிந்துகொள்ளும் வாய்ப்பு கிடைத்தது. அந்த அனுபவங்கள் என்னை மனிதராகவும் கலைஞராகவும் வளர்த்தன” என்று கூறினார்.மேலும், “இந்த நாட்டில் வாழ்ந்த காலம் எனக்கு எண்ணற்ற பாடங்களை கற்றுக் கொடுத்தது. என்னை நம்பி வாய்ப்பு வழங்கிய இயக்குநர்களுக்கும் தயாரிப்பாளர்களுக்கும் நான் எப்போதும் நன்றியுடன் இருப்பேன். அதைவிட, என்னை அன்புடன் ஏற்றுக்கொண்டு தொடர்ந்து ஆதரித்து வரும் இந்திய ரசிகர்களின் பாசம் என் வாழ்வின் மிகப்பெரிய வரமாக இருக்கிறது” என்று எல்லி அவ்ரம் நெகிழ்ச்சியுடன் தெரிவித்தார்.
