அறிமுக இயக்குநர் ஹரிஷ் துரைராஜ் இயக்கத்தில் நடிகர் அர்ஜுன் தாஸ் கதாநாயகனாக நடித்துள்ள புதிய திரைப்படம் ‘கான் சிட்டி’. வித்தியாசமான மற்றும் புதுமையான கதைக்களத்துடன் உருவாகியுள்ள இந்த திரைப்படத்தை பவர் ஹவுஸ் நிறுவனம் தயாரித்துள்ளது. நடிகர்கள் அனா பென், வடிவுக்கரசி, யோகி பாபு மற்றும் ராதாரவி உள்ளிட்ட பலரும் முக்கிய கதாபாத்திரங்களில் நடித்துள்ளனர். இந்த திரைப்படத்திற்கு இசையமைப்பாளர் ஷான் ரோல்டன் இசையமைத்துள்ளார்.
ஏற்கனவே இந்த படத்தின் க்ளிம்ப்ஸ் வீடியோ வெளியாகி ரசிகர்களிடம் நல்ல வரவேற்பைப் பெற்றிருந்தது. அதனைத் தொடர்ந்து வெளியான முதல் பாடலான ‘கொரியன் ஃபேமிலி’ பாடலும் ரசிகர்களால் பெரிதும் ரசிக்கப்பட்டது. அந்த பாடலின் வித்தியாசமான இசை மற்றும் காட்சியமைப்புகள் சமூக வலைதளங்களில் கவனம் பெற்றிருந்தன.
இந்நிலையில் தற்போது இந்த திரைப்படத்தின் இரண்டாவது பாடலான ‘நான் தான் கிங்கு’ பாடல் வெளியாகியுள்ளது. பாடலாசிரியர் மோகன் ராஜன் எழுதியுள்ள இந்த பாடலை இசையமைப்பாளர் ஷான் ரோல்டன், கெலித்தீ மற்றும் லலிதா சுதா ஆகியோர் இணைந்து பாடியுள்ளனர். பாடலின் இசை, வரிகள் மற்றும் அர்ஜுன் தாஸின் திரை நடிப்பு ரசிகர்களிடையே நல்ல வரவேற்பைப் பெற்று வருகிறது. மேலும், ‘கான் சிட்டி’ திரைப்படம் இந்த மாத இறுதியில் திரையரங்குகளில் வெளியாகவுள்ளதாக படக்குழு அறிவித்துள்ளது. இதனால் அர்ஜுன் தாஸ் ரசிகர்கள் தற்போது படத்தின் ரிலீஸை ஆவலுடன் எதிர்பார்த்து வருகின்றனர்.
