மலையாளத் திரையுலகின் முன்னணி நடிகர்களில் ஒருவராக விளங்கும் நிவின் பாலி, ‘பிரேமம்’ திரைப்படத்தில் மலர் ஆசிரியையுடன் இணைந்து பாடிய காட்சிகளின் மூலம் பெரும் வரவேற்பைப் பெற்றார். இந்தப் படம் மூலம் மலையாள ரசிகர்களை மட்டுமல்லாது, தமிழ் ரசிகர்களிடமும் அதிகமான கவனத்தை ஈர்த்து தனக்கென ஒரு இடத்தைப் பெற்றார்.
மலையாளத் திரையுலகில் பெற்ற வெற்றியைப் போலவே, தமிழ்த் திரையுலகிலும் தனித்துவமான ரசிகர் வட்டாரத்தை உருவாக்கியுள்ள நிவின் பாலி நடிப்பில் உருவாகியுள்ள ‘பிரதிச்சாயா’ திரைப்படம் வருகிற மார்ச் 26ஆம் தேதி திரையரங்குகளில் வெளியாக உள்ளது. இந்த திரைப்படம் ரசிகர்கள் மத்தியில் ஏற்கனவே நல்ல எதிர்பார்ப்பை ஏற்படுத்தியுள்ளது.
இந்நிலையில், அண்மையில் நடைபெற்ற ஒரு விருது வழங்கும் விழாவில் நிவின் பாலி, நடிகர் விஜய் குறித்து பேசிய காணொளி சமூக வலைத்தளங்களில் பரவி வருகிறது. அந்த நிகழ்ச்சியில் விஜய் நடித்த ‘லியோ’ திரைப்படத்தின் விளம்பரப் படமும், நிவின் பாலி வில்லன் கதாபாத்திரத்தில் நடித்துள்ள ‘பென்ஸ்’ திரைப்படத்தின் விளம்பரப் படமும் காட்டப்பட்டன. அதில் ‘லியோ’ கதாபாத்திரம் ‘வால்டர்’ கதாபாத்திரத்துடன் சந்தித்தால் எப்படி இருக்கும் என்று கேள்வி எழுப்பப்பட்டது. அதற்கு பதிலளித்த நிவின் பாலி, “அது மிகவும் சிறப்பாக இருக்கும்” என்று கூறியுள்ளார்.
