சிவகார்த்திகேயன் தமிழ் சினிமாவின் முன்னணி நடிகர்களில் ஒருவர். அவருக்கு போட்டியாக இருந்த விஜய் சேதுபதி தற்போது ஹிந்தி திரையுலகில் கலக்கி வருவதாலும், விஜய் சினிமாவிலிருந்து ஒதுங்கயிருப்பதாலும், அடுத்த மாஸ் ஹீரோ சிவகார்த்திகேயனே என அவரது ரசிகர்கள் உற்சாகமாக கூறி வருகின்றனர்.
அமரன் படத்தில் நடிப்பை முடித்த அவர், அடுத்ததாக ஏ.ஆர்.முருகதாஸ் இயக்கத்தில் ஒப்பந்தமாகியுள்ளார். இந்நிலையில், அமரன் படத்தை பற்றிய ஒரு வீடியோ வெளியாகியுள்ளது.சிவகார்த்திகேயன் தொடர்ந்து இரண்டு நூறு கோடி ரூபாய் வசூல் படங்களை கொடுத்து வந்த நிலையில், பிரின்ஸ் படம் சரிவை சந்தித்தது. ஆனால், அதில் விட்டதை மாவீரன் படத்தில் சரி செய்தார்.
மேலும், மாவீரன் ஆடியோ லான்சில் பேசிய சிவகார்த்திகேயன், “பிரின்ஸில் விட்டதை மாவீரனில் பிடித்துவிடுவேன்” என்று உறுதியுடன் சொன்னார். அவர் சொன்னபடி மாபெரும் வெற்றி பெற்றதால், அவரது ரசிகர்கள் மகிழ்ச்சியில் மிதந்தனர். தற்போது ராஜ்குமார் பெரியசாமி இயக்கத்தில் அமரன் படத்தில் நடித்துள்ளார்.
தற்போது, அமரன் படத்தின் புதிய வீடியோ வெளியாகியுள்ளது. “The Final Frame” என பெயரிடப்பட்டுள்ள 22 விநாடிகள் கொண்ட அந்த வீடியோவில், சிவகார்த்திகேயன் ராணுவ உடையுடன் கையில் துப்பாக்கியுடன் போஸ் கொடுக்கிறார். அவருடன் இயக்குநர் ராஜ்குமார் பெரியசாமியும் உள்ளார். இதனைப் பார்த்த ரசிகர்கள் சிவகார்த்திகேயன் வேற லெவலில் இருக்கிறாரே என்று கமெண்ட் செய்து, அதை ட்ரெண்டாக்கி வருகின்றனர்.
