ரெட் ஜெயன்ட் மூவிஸ் தயாரிப்பில், இயக்குனர் கிருத்திகா உதயநிதியின் இயக்கத்தில் உருவாகும் படம் ‘காதலிக்க நேரமில்லை’. ஜெயம் ரவி மற்றும் நித்யா மேனன் முன்னணி கதாபாத்திரங்களில் நடித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார்.
இப்படத்தில் யோகி பாபு, லால், வினய், லக்ஷ்மி ராமகிருஷ்ணன், பாடகர் மனோ, TJ பானு, ஜான் கோகேன், வினோதினி ஆகியோர் முக்கியமான கதாபாத்திரங்களில் நடித்துள்ளனர். கேவ்மிக் ஆரி ஒளிப்பதிவு செய்துள்ள இப்படத்திற்கு லாரன்ஸ் கிஷோர் படத்தொகுப்பை மேற்கொண்டுள்ளார்.
படக்குழு, முக்கியமான அப்டேட்டை அறிவிக்க புதிய போஸ்டரை வெளியிட்டுள்ளது. இது, படம் வரும் டிசம்பர் 20ஆம் தேதி திரைக்கு வரும் என எதிர்பார்க்கப்படும் ரிலீஸ் தேதி குறித்த அறிவிப்பாக இருக்கலாம். மேலும், ‘காதலிக்க நேரமில்லை’ படத்தின் பாடல், டீசர் மற்றும் டிரைலர் விரைவில் வெளியாகும் என தயாரிப்பாளர் தரப்பு கூறியுள்ளது.
