இந்திய சினிமாவில் மிகுந்த எதிர்பார்ப்புக்குப் மத்தியில் KVN Productions தயாரிப்பில் உருவாகும் திரைப்படம்”கேடி: தி டெவில்ஸ் வார்ஃபீல்ட்” இப்படம், டிசம்பர் 2024 இல் திரையரங்குகளில் வரவிருக்கிறது. இந்த ஆக்சன் படத்தின் மீது ரசிகர்களிடையே எதிர்பார்ப்பு மிகுந்து இருக்கிறது.
![](https://touringtalkies.co/wp-content/uploads/2024/05/1000002820.jpg)
1970களில் பெங்களூரில் நிகழ்ந்த உண்மைச் சம்பவங்களை மையமாகக் கொண்டு உருவாக்கப்பட்ட இப்படத்தின் ஆடியோ உரிமைகள் மட்டும், ₹17.70 கோடிக்கு விற்கப்பட்டிருப்பது பெரும் ஆச்சரியத்தை ஏற்படுத்தியுள்ளது. பிரபலமான ஆனந்த் ஆடியோ நிறுவனம் இந்த உரிமைகளை பெற்றுள்ளது.
![](https://touringtalkies.co/wp-content/uploads/2024/05/1000002819.jpg)
இப்படம் வெளியாவதற்கு ரசிகர்கள் ஆவலுடன் காத்திருக்கும் நிலையில், அதன் முதல் பாடல் ஆகஸ்ட் மாதத்தில் வெளியாகும் என்ற அறிவிப்பு, ரசிகர்களுக்கு மகிழ்ச்சியை ஏற்படுத்தியுள்ளது.
![](https://touringtalkies.co/wp-content/uploads/2024/05/1000002821.jpg)
பிரபல கன்னட நடிகர் துருவா சர்ஜா இப்படத்தில் முன்னணி கதாபாத்திரத்தில் நடித்துள்ளார்.ஷில்பா ஷெட்டி குந்த்ரா, ரமேஷ் அரவிந்த், சஞ்சய் தத், நோரா ஃபதேஹி மற்றும் V ரவிச்சந்திரன் ஆகிய முன்னணி நட்சத்திரங்களாக இப்படத்தில் நடித்துள்ளனர்.இப்படம் பான்-இந்தியா அளவில், ஒரு புதுமையான திரை அனுபவமாக உருவாகியுள்ளது.
![](https://touringtalkies.co/wp-content/uploads/2024/05/1000002822.jpg)
“கேடி – தி டெவில்” 1970களின் பெங்களூர் நகரின் தெருக்களை மீண்டும் நம் கண்முன் கொண்டுவரும், வரலாற்று நிகழ்வுகள் அடிப்படையாக கொண்ட பரபரப்பான சம்பவத்தை மையமாகக் கொண்டுள்ளது.KVN Productions வழங்கும் “கேடி – தி டெவில்” படத்தை இயக்குனர் பிரேம் இயக்கியுள்ளார். இந்த பன்மொழி திரைப்படம் தமிழ், கன்னடம், தெலுங்கு, மலையாளம் மற்றும் ஹிந்தி மொழிகளில் வெளியாக உள்ளது.
![](https://touringtalkies.co/wp-content/uploads/2024/05/1000002823.jpg)