மகிழ் திருமேனி இயக்கத்தில் வெளிவரவிருக்கும் “விடாமுயற்சி” திரைப்படத்தில் அஜித்குமார் முக்கிய கதாபாத்திரத்தில் நடிக்கிறார், அவருக்கு ஜோடியாக திரிஷா இணைந்துள்ளார். இது அஜித்தின் 62-வது திரைப்படமாக உருவாகி வருகிறது.இந்த படத்தில் முக்கிய கதாபாத்திரத்தில் ஆக்ஷன் கிங் அர்ஜுன் மற்றும் ஆரவ் நடிக்கின்றனர்.
மேலும், ரெஜினா கசாண்ட்ரா மற்றும் பிரியா பவானி ஷங்கர் போன்ற நடிகைகளும் இப்படத்தில் நடிக்கின்றனர். இப்படத்தை ‘லைகா’ நிறுவனத்தின் சார்பில் சுபாஸ்கரன் தயாரிக்கிறார்,அனிருத் இசையமைத்துள்ளார். இப்படத்தின் படப்பிடிப்பு கடந்த ஆண்டு அக்டோபர் மாதம் அஜர்பைஜானில் தொடங்கியது.
அஜித்குமார் துணிச்சலாக டூப் இல்லாமல் நடித்த வீடியோ வெளியாகி பெரும் வரவேற்பை பெற்றது. இதனால் இப்படத்தின் மீதான எதிர்பார்ப்பு அதிகரித்தது. பின்னர், இப்படத்தின் 70% படப்பிடிப்பு முடிவடைந்த நிலையில், திடீரென காலநிலை மாற்றத்தின் காரணமாக படப்பிடிப்பு பாதியில் நிறுத்தப்பட்டது.பின்னர் மே மாதத்தின் முதல் வாரத்தில் தொடங்கும் என கூறப்பட்டது ஆனால் இன்னும் படப்பிடிப்பு தொடங்காமல் தள்ளிபோய்க்கொண்டு இருக்கிறது.இந்நிலையில், ஆதி ரவிசந்திரன் இயக்கத்தில் அஜித் நடிக்கும் குட் பேட் அக்லி படத்தின் படப்பிடிப்பில் கலந்துகொண்டுள்ளார் அஜித்.
இதனால், விடாமுயற்சி படம் கைவிடப்பட்டதாக சமூக வலைத்தளங்களில் வதந்திகள் பரவின.இப்போது, விடாமுயற்சி படத்தின் அடுத்த கட்ட படப்பிடிப்பு ஜூன் மாதத்தின் மூன்றாவது வாரத்தில் மீண்டும் தொடங்கப்படும் என தகவல் கிடைத்துள்ளது. தீபாவளி பண்டிகையை முன்னிட்டு நவம்பர் 1-ஆம் தேதி விடாமுயற்சி படத்தை வெளியிட படக்குழு திட்டமிட்டுள்ளதாக கூறப்படுகிறது.
