மலையாளத்தில் வெளியான ‘பிரேமம்’ படத்தில் நடித்ததன் மூலம் தமிழ் ரசிகர்களிடையே பெரும் வரவேற்பைப் பெற்றவர் நடிகர் நிவின் பாலி. அவர், நயன்தாராவுடன் இணைந்து ‘டியர் ஸ்டூடன்ஸ்’ என்ற படத்தில் நடித்துள்ளார். இப்படம் விரைவில் வெளியாக உள்ளது. இதற்கு அடுத்ததாக, லோகேஷ் கனகராஜ் தயாரிக்கும் பென்ஸ் படத்திலும் அவர் நடித்து வருகிறார்.
இதற்கு மேலாக, தமிழில் இயக்குனர் ராம் இயக்கிய ‘ஏழு கடல் ஏழு மலை’ என்ற படத்திலும் நிவின் பாலி நடித்துள்ளார். மிகுந்த எதிர்பார்ப்புடன் உருவாகியுள்ள அந்தப் படம் ரிலீஸ்க்கு தயாராகி வருகிறது.
தற்போது, நிவின் பாலியின் அடுத்த படத்தைப் பற்றிய தகவல் வெளியாகியுள்ளது. அதாவது, இயக்குனர் பி. உன்னிகிருஷ்ணன் இயக்கும் புதிய படத்தில் அவர் நடிக்க உள்ளதாக கூறப்படுகிறது. இந்த படம் மிகப்பெரிய பட்ஜெட்டில், அரசியல் கதைக்களத்துடன் உருவாக இருப்பதாக தகவல்கள் தெரிவிக்கின்றன. இதுகுறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
