தனுஷ் நடித்துள்ள ‘தேரே இஷ்க் மெய்ன்’ திரைப்படத்தின் டீசர் வெளியானது!

நடிகர் தனுஷ் இயக்குநர் ஆனந்த் எல். ராய் கூட்டணியில் உருவாகும் தேரே இஷ்க் மெய்ன் படத்தின் படப்பிடிப்பு சில மாதங்களுக்கு முன் தில்லியில் துவங்கியது.

இப்படம் ராஞ்சனா கதையுடன் தொடர்புடைய படமாக உருவாகலாம் எனக் கூறப்பட்டு வந்த நிலையில், படத்தின் படப்பிடிப்பு சமீபத்தில் நிறைவடைந்தது. இப்படத்தில் பிரபல பாலிவுட் நாயகியான க்ருத்தி சனோன் இப்படத்தில் நடிக்கிறார்.

இந்த நிலையில், தனுஷ் இயக்கி நடித்துள்ள இட்லி கடை திரைப்படம் இன்று வெளியாகியுள்ள நிலையில் தேரே இஷ்க் மெய்ன் டீசரை இன்று படக்குழு வெளியிட்டுள்ளனர். காதல், ஆக்சன் காட்சிகளுடன் கூடிய ஏ. ஆர். ரஹ்மானின் பின்னணி இசை ரசிகர்களைக் கவர்ந்து வருகிறது. இப்படம் நவ. 28 ஆம் தேதி வெளியாகும் என்றும் அறிவிக்கப்பட்டுள்ளது.