நடிகர் விக்ரமின் நடிப்பில் கடைசியாக வெளியான படம் ‘வீர தீர சூரன்’. இப்படம் எதிர்பார்த்த அளவுக்கு வெற்றி பெறவில்லை என்றாலும், விக்ரமின் நடிப்புக்கு பாராட்டுகளை பெற்றுத்தந்தது. அதன் பின் அவர் தனது அடுத்தடுத்த படங்களில் கவனம் செலுத்தி வருகிறார்.
தற்போது விக்ரம், கமர்ஷியல் படங்களை வழங்கும் இயக்குனர் லோகேஷ் கனகராஜிடம் பல ஆண்டுகளாக உதவியாளராக பணியாற்றிய விஷ்ணு எடவன் இயக்கத்தில் நடிக்கவுள்ளதாக தகவல் வெளியாகியுள்ளது. விக்ரம்–விஷ்ணு எடவன் இணையும் இந்த படத்தை வேல்ஸ் நிறுவனம் தயாரிக்கவுள்ளதாக கூறப்படுகிறது.
இயக்குனர் விஷ்ணு எடவன் தற்போது கவின் மற்றும் நயன்தாரா நடிப்பில் உருவாகி வரும் ‘ஹை’ படத்தை இயக்கி வருகிறார். மேலும் விக்ரம், ‘லியோ’ போன்ற படங்களுக்கு பாடல்களை எழுதியவர் விஷ்ணு எடவன். குறிப்பாக ‘நான் ரெடி தான்’ பாடல் மூலம் ரசிகர்களிடம் பிரபலமாகியுள்ளார் என்பதும் குறிப்பிடத்தக்கது.
