கமல்ஹாசனின் ராஜ்கமல் பிலிம்ஸ் தயாரிப்பில் உருவான படம் ‘அமரன்’, இதில் சிவகார்த்திகேயன் கதாநாயகனாகவும், சாய் பல்லவி கதாநாயகியாகவும் நடித்துள்ளனர். இப்படம் வரும் 31ஆம் தேதி திரையில் வெளியாகவுள்ளது.
சமீபத்தில் நடந்த ஒரு நேர்காணலில் சாய் பல்லவி கூறியதாவது, ‘பிரேமம்’ படத்தில் நடிக்கும் முன்பே வெளிநாட்டில் ஒரு நடன நிகழ்ச்சியில் கலந்து கொண்டேன். அப்போது கவர்ச்சியாக உடையணிந்து நடனமாடினால் சரியாக இருக்கும் என நினைத்து ஆடியிருந்தேன்.
அந்த வீடியோ வைரலாகி, மோசமான கருத்துக்கள் பரவ ஆரம்பித்தன. இதனை தொடர்ந்து இனி இப்படியாக நடந்து கொள்ளக்கூடாது என முடிவெடுத்தேன். உடம்பைக் காட்டியே நடிக்க வேண்டும் என்ற அவசியம் எனக்கு கிடையாது. குடும்ப பாங்கான தோற்றத்தில் இருப்பது போதுமானது. என் நடிப்புத் திறமையை நம்பி வாய்ப்பு அளிப்பவர்களின் படங்களில் நடித்துவிட்டு போகிறேன்” எனக் கூறியுள்ளார்.
