காந்தாரா முதல் பாகத்திற்கு முந்தைய காலகட்டத்தில் நடந்த சம்பவங்களைச் சொல்லும் கதை ‘காந்தாரா – சாப்டர் 1’. பாங்ரா என்ற தேசத்தை சேர்ந்த ராஜா, காந்தாரா என அழைக்கப்படும் பழங்குடி மக்கள் வாழும் காட்டுப்பகுதியை அழிக்க முயற்சிக்கிறார். ஆனால், தெய்வீக சக்தி உதவியால் காந்தாரா மக்கள் ராஜாவின் படைகளை தப்ப விடுகின்றனர். அதில் தப்பிய ராஜாவின் வாரிசுகள், பல ஆண்டுகளுக்குப் பிறகு மீண்டும் காந்தாராவை கைப்பற்ற நினைக்கிறார்கள். அங்குள்ள மக்களை தந்திரமாக அழித்து, அந்த தெய்வீக சக்தியை கட்டுப்பாட்டில் கொண்டு வர முயற்சிக்கிறார்கள். தங்கள் குல தெய்வமான குலிகா மற்றும் சிவன் சக்தியின் உதவியுடன் ஹீரோ ரிஷப் ஷெட்டி அதை எப்படி தடுக்கிறார் என்பதே இந்த பாகத்தின் கதை.
காந்தாராவில் வசிக்கும் ஹீரோ ரிஷப் ஷெட்டி, நண்பர்கள் சிலருடன் சேர்ந்து பாங்ரா அரசின் ஆளுகைக்கு உட்பட்டு தேசத்தில் நுழைகிறார். அங்கே பல வீர விளையாட்டுகளை நடத்துகிறார். இதைப் பார்த்து மயங்கும் இளவரசி ருக்மணி வசந்த், அவரிடம் காதல் உணர்வை வளர்த்துக் கொள்கிறார். இதற்கிடையில், காந்தாரா மக்களின் தெய்வ சக்தியை கட்டுப்படுத்த ஒரு கூட்டம் முயற்சிக்கிறது. பாங்ரா தேசத்தின் அரசன் பொறுப்பற்ற முறையில் ஆட்சி நடத்துகிறார். இதற்கிடையில் மேலும் சில கிளைக் காட்சிகள் மற்றும் கிளைமாஸ் வரை கதை முன்னேறுகிறது.
இரண்டாம் பாதியில் கதை வேறுபாடு அடைகிறது. பாங்ரா மன்னன் மற்றும் ருக்மணியின் சகோதரர் குல்சன்தேவய்யா பெரும்படையுடன் காந்தாரா பகுதிக்குள் சென்று மக்களை சித்ரவதை செய்து கொடூரமாக கொல்லுகிறார்கள். அப்போது காந்தாரா முதற்பாகம் மாதிரி ஹீரோ உடலுக்குள் குலிகா தெய்வம் வந்து ராஜாவை துவம்சம் செய்து கொல்லுகிறது. படைகளை துரத்துகிறது. மகன் இறந்த சோகத்தில் இருக்கும் ராஜா அப்பா ஜெயராம் காந்தாரா மக்களுடன் சமாதானம் பேசுகிறார். அதன்படி காந்தாராவில் உள்ள தெய்வ சிலைகள் அரண்மனையில் கொண்டு வரப்படுகின்றன. அங்கே உள்ள பெரிய சிவன் கோயிலில் கும்பாபிஷேகம் நடைபெறுகிறது. ஆனால் ஜெயராமோ காந்தாரா மக்களின் தெய்வ சக்தியை கட்டுப்படுத்த, எதிர் டீம் உதவியுடன் காந்தாராவுக்கு அழிவு உண்டாக்க நினைக்கிறார். தங்கள் தெய்வத்தை காப்பாற்ற, அந்த சக்தியை மீட்க காந்தாரா மக்கள் அரண்மனை நோக்கி படை எடுக்கிறார்கள். அங்கே என்ன நடந்தது, யார் ஜெயித்தார்கள் என்பது கிளைமாக்ஸில் தெரிகிறது.
ஹீரோ ரிஷப் ஷெட்டி, இயக்குனராகவும் ஹீரோவாகவும் தனது கடுமையான உழைப்பால், படத்தை முழுமையாக துாக்கி நிறுத்தியுள்ளார். அவரது ஆக்சன் காட்சிகள், தெய்வ சக்தி வரும்போது மாறும் காட்சிகள், குறிப்பாக கிளைமாக்ஸில் அவர் ஆடும் ஆட்டம் மெய்சிலிர்க்க வைக்கின்றது. இளவரசியாக வரும் ருக்மணிக்கும் ஆரம்பத்தில் அதிக வேலையில்லை, ஆனால் கிளைமாக்ஸில் அவர் வில்லியாக மாறுகிறார். அவருக்கும் ஹீரோவுக்கும் இடையேயான சண்டை பிரமாதமாக அமைந்துள்ளது. மன்னனாக வரும் குல்சன்தேவய்யாவும் குடிகார, கோமாளி மாதிரி காட்டப்பட்டு, கடைசியில் கொடூர வில்லனாக மாறும் காட்சிகள் அவரது உடல் மொழி மற்றும் மிரட்டலுடன் சித்திரிக்கப்படுகின்றன.
‘காந்தாரா சாப்டர் 1’ படத்தின் ஹீரோ ரிஷப் ஷெட்டியோடேயே அல்ல, ஆக்சன் காட்சிகள், பிரமாண்ட செட், வியக்க வைக்கும் ஒளிப்பதிவு, கிராபிக்ஸ், இசை ஆகிய ஆறு அம்சங்களும் முக்கியமாகும். ஆர்ட் டைரக்டர் தரணி தனது திறமையால் அந்த உலகத்தை நூராண்டு ஆண்டுகள் முன்னோக்கியதாக உணர வைக்கிறார். பிரமாண்ட அரண்மனை, தர்பார், ராஜ வீதிகள், காந்தாரா மக்கள் வசிக்கும் காட்டுப்பகுதிகள், கோட்டைகள் என அனைத்தும் கண்களுக்கு விருந்து அளிக்கின்றன. தேர் காட்சிகள், மன்னரின் போர், தெய்வ சக்தி வந்தபோது ஹீரோ அவதாரம் மற்றும் கிளைமாக்ஸில் சண்டை காட்சிகள் பார்வையாளர்களை கைவிட்டு விட முடியாத அளவு வியக்கச் செய்கின்றன.
ஹாலிவுட் படம் மாதிரியான பீல் கொடுத்து அந்த உலகத்திற்கு அழைத்துச் செல்லும் ஒளிப்பதிவாளர் அரவிந்த் காஷ்யப். பெரும்பாலான காட்சிகளில் கிராபிக்ஸ் கலந்து விளையாடியிருக்கிறது. அரண்மனை, குகைகள், புலிகள், தேவாங்கு காட்சிகள், போர் காட்சிகள் அனைத்தும் கண்களில் நிற்கின்றன. முதற்பாகத்தில் பாடல்கள் குறைவாக இருப்பினும், பின்னணி இசை மூலம் படத்திற்கு ஆழமான அனுபவம் கொடுக்கப்பட்டிருக்கிறது. ஹிட்டான வாரக ரூபம், பஞ்சுர்லி தெய்வ சடங்குகள் கிளைமாக்ஸிலும் காட்சியளிக்கின்றன. இது தனித்துவமான பக்தி அனுபவத்தை வழங்குகிறது.
ஒவ்வொரு காட்சியும் எவ்வளவு கவனமாக உருவாக்கப்பட்டதோ, எவ்வளவு உழைப்பு செலுத்தப்பட்டதோ அந்த விஷுவல்களில் தெளிவாக தெரிகிறது. எளியவர்களை தெய்வம் கைவிடாது; நம் தெய்வ நம்பிக்கை வீண் போகவில்லை என்ற ஆழமான கருத்தை, பிரமாண்டம், அரசன், பழங்குடி மக்கள், குல தெய்வம், காடு, கிராபிக்ஸ் மற்றும் ஆக்ஷன் கலந்த தரமான படைப்பாக இந்த பாகத்தை ரிஷப் ஷெட்டி வழங்கியுள்ளார்.
