தமிழ் சினிமாவில் மிகச் சிறந்த வெற்றிகரமான கூட்டணிகளில் ஒன்றாக திகழ்ந்தது அஜித் மற்றும் இயக்குனர் சிவாவின் கூட்டணி. இவர்கள் இணைந்து ‘வேதாளம்’, ‘வீரம்’, ‘விஸ்வாசம்’ போன்ற வெற்றிகரமான படங்களையும், ‘விவேகம்’ என்ற ஒரு படம் சறுக்கியது. இந்த நிலையில், இயக்குனர் சிவா இயக்கத்தில் சூர்யா நடித்த ‘கங்குவா’ திரைப்படம் நேற்று வெளியாகியுள்ளது.
‘கங்குவா 2’ படத்தின் படப்பிடிப்பு எப்போது தொடங்கும் எனக் கேட்டபோது, தயாரிப்பாளர் ஞானவேல் ராஜா, “இயக்குனர் சிவா அடுத்ததாக அஜித் நடிக்கும் படத்தை இயக்க உள்ளார். அதன் பிறகு அடுத்த ஆண்டு மத்தியிலோ அல்லது இறுதியில் ‘கங்குவா 2’ படப்பிடிப்பு தொடங்கும்,” என்று கூறியுள்ளார்.
மேலும், ‘விடாமுயற்சி’ மற்றும் ‘குட் பேட் அக்லி’ ஆகிய படங்களை முடித்த பிறகு, அஜித் இயக்குனர் சிவா இயக்கும் புதிய படத்தில் நடிக்க உள்ளார் என்பது உறுதியான தகவலாக அஜித் ரசிகர்களிடையே பரவியது. அஜித் – சிவா கூட்டணியில் இதுவரை வந்த நான்கு படங்களும் ‘வி’ என்ற எழுத்தில் தொடங்கும் தலைப்புகளை கொண்டிருந்தன. இதனால், இவர்கள் அடுத்த படத்திற்கும் அதே விதமாக ‘வி’ எழுத்திலேயே தொடங்கும் தலைப்பை தேர்வு செய்வார்கள் என ரசிகர்கள் முன்கூட்டியே நம்பிக்கையை வெளிப்படுத்தியுள்ளனர்.
