Touring Talkies
100% Cinema

Tuesday, March 11, 2025

Touring Talkies

உருவாகிறது 96 படத்தின் இரண்டாம் பாகம்… இயக்குனர் பிரேம்குமார் சொன்ன அப்டேட்!

Share

- Advertisement -
- Advertisement -
- Advertisement -

2018ஆம் ஆண்டில், பிரேம் குமார் இயக்கத்தில் விஜய் சேதுபதி மற்றும் திரிஷா இணைந்து நடித்த படம் 96 வெளிவந்தது. காதல் தோல்வி குறித்து மையப்படுத்திய இந்த படம் மிகப்பெரிய வெற்றியைப் பெற்றது. பின்னர், இந்த படத்தை தெலுங்கில் சர்வானந்த், சமந்தா நடித்த ஜானு என்ற பெயரில் பிரேம் குமார் மீண்டும் இயக்கினார். எனினும், ஜானு படம் அந்த மொழியில் கலவையான விமர்சனங்களை பெற்றது.

இந்த நிலையில், தற்போது கார்த்தி, அரவிந்த் சாமி நடிப்பில் மெய்யழகன் என்ற படத்தை இயக்கிய பிரேம் குமார், அடுத்து 96 படத்தின் இரண்டாம் பாகத்தை இயக்கத் திட்டமிட்டுள்ளதாக தகவல் வெளியிட்டுள்ளார்.

ஒரு பேட்டியில் அவர் கூறியதாவது, “96 படத்தின் இரண்டாம் பாகத்திற்கான கதையை நான் எழுதி முடித்துவிட்டேன். அந்தக் கதையை நடிகர் விஜய் சேதுபதியின் மனைவியிடம் சொல்லியபோது, அவர் மிகவும் விரும்பினார். இதனால், 96 படத்தின் இரண்டாம் பாகத்தை அடுத்ததாக இயக்குவோமென்ற எண்ணம் உருவானது. மேலும், அதில் மீண்டும் விஜய் சேதுபதி, திரிஷா தான் நடிக்கிறார்கள்” என பிரேம் குமார் தெரிவித்துள்ளார்.

- Advertisement -

Read more

Local News