வீர தீர சூரன் படத்தின் அப்டேட்… இப்போது எங்கு ஷூட்டிங் நடக்கிறது தெரியுமா?

சித்தா பட இயக்குனர் அருண் குமார் இயக்கத்தில் விக்ரம் தனது 62வது படமாக ‘வீர தீர சூரன்’ 2ம் பாகத்தில் நடிக்கிறார். இதில் எஸ்.ஜே. சூர்யா, சுராஜ் வெஞ்சரமூடு, துஷரா விஜயன், சித்திக் உள்ளிட்டோர் முக்கிய கதாபாத்திரங்களில் நடிக்கின்றனர். சிபு தமின்ஸ் தயாரிக்க, இப்படத்திற்கு ஜி. வி. பிரகாஷ் இசையமைக்கிறார்.

இந்த படத்தின் படப்பிடிப்பு மதுரையில் துவங்கி, ஒரு கட்டம் முடிந்துள்ளது. திருத்தணி உள்ளிட்ட பகுதிகளில் தொடர்ந்து படப்பிடிப்பு நடக்கிறது.

இதுவரை 30 சதவீதம் படப்பிடிப்பு நிறைவடைந்துள்ளது என கூறப்படுகிறது. இத்திரைப்படம் ஆக்ஷன் மட்டுமல்லாது பல உணர்ச்சி மிகுந்த காட்சிகளுக்கும் முக்கியத்துவம் அளிக்கப்பட்டுள்ளதாக கூறப்படுகிறது.