நடிகர் தனுஷ் தற்போது ‘இட்லி கடை’ எனும் புதிய திரைப்படத்தை இயக்கியதோடு, அதில் கதாநாயகனாகவும் நடித்துள்ளார். இப்படத்தில் ராஜ்கிரண், சத்யராஜ், பார்த்திபன், அருண் விஜய், நித்யா மேனன், ஷாலினி பாண்டே ஆகியோரும் முக்கிய கதாபாத்திரங்களில் நடித்துள்ளனர். ‘டான் பிக்சர்ஸ்’, ‘வுண்டர்பார் பிலிம்ஸ்’, ‘ரெட் ஜெயண்ட் மூவிஸ்’ என்ற முன்னணி தயாரிப்பு நிறுவனங்கள் இப்படத்தை இணைந்து தயாரிக்கின்றன. இசையமைப்பாளராக ஜி.வி. பிரகாஷ் இப்படத்திற்கு இசையமைக்கிறார்.
இந்த திரைப்படம் வரும் அக்டோபர் 1ஆம் தேதி திரையரங்குகளில் வெளியிடப்படுகிறது. சமீபத்தில் இப்படத்திலிருந்து வெளியான ‘என்ன சுகம்’ என்ற பாடல் ரசிகர்களிடையே நல்ல வரவேற்பைப் பெற்றது.
இந்த நிலையில், இப்படத்தின் இசை வெளியீட்டு விழா செப்டம்பர் 13ஆம் தேதி சென்னையில் உள்ள நேரு உள்விளையாட்டு அரங்கத்தில் நடத்த படக்குழுவினர் திட்டமிட்டுள்ளதாக தகவல்கள் வெளியாகியுள்ளன.
