மகாவதார் நரசிம்மா படத்தின் காட்சிகள் எனக்கு கண்ணீர் வரவைத்தன – நடிகர் ராகவா லாரன்ஸ்!

மகாவதார் நரசிம்மா திரைப்படத்தை நடிகர் ராகவா லாரன்ஸ் பாராட்டியுள்ளார். தற்போது ராகவா லாரன்ஸ், மிகவும் எதிர்பார்க்கப்படும் எல்.சி.யு (லோகேஷ் சினிமாடிக் யுனிவர்ஸ்) படமான “பென்ஸ்” மற்றும் தனது தம்பியின் “புல்லட்” உள்ளிட்ட பல திரைப்படங்களில் நடித்து வருகிறார்.

இதற்கிடையில், சமீபத்தில் வெளியான அனிமேஷன் திரைப்படமான மகாவதார் நரசிம்மாவை, தனது குடும்பத்தினருடன் திரையரங்குகளில் சென்று பார்த்துள்ளார்.

இதுபற்றி அவர் தனது X பக்கத்தில் வெளியிட்ட பதிவில், “மிகச் சிறந்த சினிமா அனுபவம். பல காட்சிகள் என்னை கண்ணீர் மல்க வைத்தன. அந்த காட்சிகளை உயிரோட்டமாய் உருவாக்கிய இயக்குனர் அஸ்வின், தயாரிப்பாளர் ஹோம்பலே பிலிம்ஸ் மற்றும் முழுக் குழுவினருக்கும் என் மனமார்ந்த நன்றி” என்று தெரிவித்துள்ளார்.