தமிழில் டான் பிக்சர்ஸ் நிறுவனத்தின் சார்பில் நான்காவது படைப்பாக, தயாரிப்பாளர் ஆகாஷ் பாஸ்கரன் இயக்கத்தில், நடிகர் அதர்வா முரளி முக்கிய கதாபாத்திரத்தில் நடிக்கும் திரைப்படம் “இதயம் முரளி”.
இளைய தலைமுறை ரசிகர்கள் கொண்டாடும் காதல் திரைப்படமாக “இதயம் முரளி” உருவாகி வருகிறது. இந்த படத்தை Dawn Pictures நிறுவனம் தயாரிக்க, அதன் நிறுவனர் ஆகாஷ் பாஸ்கரன் இந்த படத்தின் மூலம் இயக்குநராக அறிமுகமாகிறார். முழுக்க முழுக்க இளைய ரசிகர்களை கவரும் விதமாக உருவாக்கப்பட்டுள்ள இந்த திரைப்படம், அதர்வா முரளியின் இன்னொரு முக்கியமான படமாக அமைவுள்ளது.
இப்படத்தில் அதர்வாவுடன் பிரபல இசையமைப்பாளர் தமன் எஸ், நடிகைகள் ப்ரீத்தி முகுந்தன், கயாடு லோஹர் மற்றும் நிஹாரிகா ஆகியோர் முக்கிய கதாபாத்திரங்களில் நடித்துள்ளனர். இதற்கிடையில், படத்தின் முதல் பாடல் (First Single) நாளை வெளியாகும் என படக்குழு ஒரு சிறப்பு ப்ரோமோ வீடியோவை வெளியிட்டுள்ளது.
