நீண்ட கால இடைவெளிக்கு பின்னர், இயக்குனர் சுந்தர் சி மற்றும் பிரபல நகைச்சுவை நடிகர் வடிவேலு, ‘கேங்கர்ஸ்’ என்ற திரைப்படத்தின் மூலம் மீண்டும் ஒருமித்து பணியாற்றி வருகின்றனர். சுந்தர் சி மற்றும் வடிவேலு கூட்டணி, கோலிவுட் திரையுலகில் மிகவும் வெற்றிகரமான ஜோடியாக பேசப்பட்டிருந்த நிலையில், இருவருக்கும் ஏற்பட்ட சில கருத்து வேறுபாடுகள் காரணமாக, பல ஆண்டுகளாக அவர்கள் ஒரே படத்தில் இணைவது நடைபெறவில்லை.
முழு 15 ஆண்டுகளுக்குப் பிறகு மீண்டும் இணைந்துள்ள இந்த சுந்தர் சி – வடிவேலு நகைச்சுவை கூட்டணி, ரசிகர்களுக்கு மகிழ்ச்சி அளிக்கும் வகையில் இருக்கும் எனக் கூறப்படுகிறது. மேலும், ‘கைப்புள்ள’, ‘வீரபாகு’ போன்ற திரைப்படங்களில் நடித்திருந்த வடிவேலுவின் ‘சிங்காரம்’ என்ற கதாபாத்திரம் போன்ற படமாகவே ‘கேங்கர்ஸ்’ உருவாகியுள்ளதாக செய்திகள் வெளியாகியுள்ளன.
இந்த நிலையில், ‘கேங்கர்ஸ்’ திரைப்படம் வரும் ஏப்ரல் 24ஆம் தேதி திரையரங்குகளில் வெளியாகவுள்ளது. இந்தப் படத்தின் டிரெய்லரை சமீபத்தில் படக்குழு வெளியிட்டதோடு, அது மக்கள் மத்தியில் நல்ல வரவேற்பைப் பெற்றுள்ளது. இப்படத்தில் வடிவேலு பல்வேறு வேறுபட்ட கெட்டப்புகளில் நடித்துள்ளார். இப்படத்தின் முதல் பாடலான ‘குப்பன்’ பாடலின் வீடியோவும் படக்குழுவால் வெளியிடப்பட்டது. இந்நிலையில், படத்தின் ஸ்னீக் பீக் காட்சியும் தற்போது வெளியாகியுள்ளது. அதில், சுந்தர் சி மற்றும் வடிவேலு ஒரே வீட்டிற்குள் நுழைந்து ஏதோ ஒன்றை திருட முயற்சிக்கும் போது உருவாகும் நகைச்சுவை சம்பவங்கள் இடம்பெறுகின்றன.
