நடிகர் விக்ரமின் CHIYAAN 64 படத்தை இயக்கும் மெய்யழகன் பட இயக்குனர் பிரேம் குமார்!

விஜய் சேதுபதி மற்றும் திரிஷா நடித்த “96” திரைப்படத்தின் மூலம் இயக்குநராக அறிமுகமானவர் ஒளிப்பதிவாளர் பிரேம்குமார். அந்த படம் வெற்றிபெற்றதையடுத்து, தமிழில் அரவிந்த்சாமி மற்றும் கார்த்தி நடிப்பில் “மெய்யழகன்” என்ற திரைப்படத்தை இயக்கினார். இந்த படமும் நல்ல வரவேற்பை பெற்றது. மேலும், “96” திரைப்படத்தின் இரண்டாவது பாகத்தை இயக்கவுள்ளதாக செய்திகள் வெளியாகிய வண்ணம் இருந்தன.

இந்நிலையில், பிரேம்குமார் இயக்கத்தில் விக்ரம் தனது 64வது படத்தில் நடிக்கவுள்ளார். இந்த புதிய திரைப்படத்தை வேல்ஸ் பிலிம்ஸ் இன்டர்நேஷனல் நிறுவனம் தயாரிக்கவுள்ளது. இதற்கான அதிகாரப்பூர்வ அறிவிப்பு தற்போது வெளியாகியுள்ளது.

விக்ரம் தனது 63வது திரைப்படத்தின் படப்பிடிப்பை முடித்த பின்னர், இயக்குநர் பிரேம்குமார் இயக்கும் இந்த புதிய படத்தில் இணைவார் எனத் தகவல் வெளியாகியுள்ளது.