மார்கோ திரைப்படம் வசூலில் 100 கோடியை கடந்துள்ளது. மலையாள நடிகர் உன்னி முகுந்தன் நடித்த ஹனீஃப் அதேனி இயக்கத்தில் உருவான மார்கோ திரைப்படம் சில மாதங்களுக்கு முன் வெளியானது. இப்படம் மக்களிடையே பெரும் வரவேற்பைப் பெற்றது. இந்திய சினிமாவில் இவ்வாறான ஆக்ஷன் திரைப்படம் இதுவரை வரவில்லை என மக்கள் பாராட்டியதுடன், சமூக வலைத்தளங்களிலும் பெரிதும் பகிர்ந்தனர்.
படத்திற்கான பின்னணி இசையை ரவி பஸ்ருர் அமைத்திருந்தார். இப்படத்தில் உன்னி முகுந்தனுடன் யுக்தி தரேஜா, சித்திக், ஜெகதீஷ், அபிமன்யு உள்ளிட்ட பலரும் நடித்துள்ளனர். இப்படம் வசூலில் 100 கோடியைத் தாண்டிய நிலையில், மார்கோ படத்தின் வெற்றியைத் தொடர்ந்து இதன் அடுத்த பாகம் எடுக்கப்படவுள்ளது என்ற தகவல் வெளியானது.
இந்த தகவலை சமீபத்தில் படக்குழுவே அதிகாரப்பூர்வமாக அறிவித்துள்ளது. பாகம் 2-க்கு லார்ட் மார்கோ என தலைப்பு வைக்கப்பட்டுள்ளது. இதில் ஹீரோவாக உன்னி முகுந்தன் நடிக்கவில்லை. இப்படத்தையும் ஹனீஃப் அதேனி இயக்குகிறார். க்யூப்ஸ் எண்டர்டெயின்மென்ட் நிறுவனம் இப்படத்தை தயாரிக்கிறது. இத்திரைப்படத்தின் கதாநாயகனாக யாஷ் நடிக்கவுள்ளார் என்ற தகவல்கள் உலா வருகின்றன. முன்னதாக சியான் விக்ரம் மார்கோ இரண்டாவது பாகத்தில் நடிக்கிறார் என்ற உறுதியற்ற தகவல்கள் வெளியாகின என்பது குறிப்பிடத்தக்கது
