தமிழ் திரைப்பட உலகின் முன்னணி நடிகர்களில் ஒருவரான சிவகார்த்திகேயன், சமீபத்தில் ராஜ்குமார் பெரியசாமி இயக்கத்தில் நடித்த ‘அமரன்’ திரைப்படம் வெளியானது. இப்படம் ரசிகர்களிடம் நல்ல வரவேற்பைப் பெற்றுள்ளது. இதனைத் தொடர்ந்து, சிவகார்த்திகேயன் தனது 23-வது படமாக ஏ.ஆர். முருகதாஸ் இயக்கிய திரைப்படத்தில் நடித்துவிட்டார்.
அடுத்ததாக, சிபி சக்கரவர்த்தி இயக்கும் 24-வது படத்தில் அவர் நடிக்கவிருக்கிறார். இதன் பின்னர் சுதா கொங்கரா இயக்கத்தில் உருவாகும் 25-வது படமான ‘பராசக்தி’ திரைப்படத்திலும் அவர் நடித்துவருகிறார்.
இதற்கிடையில், சிவகார்த்திகேயனின் 23-வது படத்திற்குத் தற்காலிகமாக ‘எஸ்கே 23’ என்று பெயரிடப்பட்டுள்ளது. இப்படத்தில் ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் உள்ளிட்ட பலரும் முக்கிய கதாபாத்திரங்களில் நடித்துள்ளனர். இந்தப் படத்தை ஸ்ரீ லட்சுமி மூவிஸ் நிறுவனம் தயாரிக்க, அனிருத் இசையமைப்பை மேற்கொண்டுள்ளார். ஆக்சன் கலந்த கதைக்களத்தில் உருவாகும் இப்படத்திற்கான எதிர்பார்ப்பு மிகுந்து உள்ளது. தற்போது, இந்தப் படத்திற்கு ‘சிங்க நடை’ என தலைப்பு வைக்கப்பட்டுள்ளதாக தகவல் வெளியாகியுள்ளது.இந்த நிலையில், படத்தின் தலைப்பு டீசர் குறித்த புதிய தகவல் வெளியாகியுள்ளது. அதன் படி, சிவகார்த்திகேயனின் பிறந்தநாளான பிப்ரவரி 17-ந் தேதி, இப்படத்தின் டைட்டில் டீசர் வெளியாகும் என தகவல் வெளியாகியுள்ளது.
