நடிகர் விஜய் சேதுபதி மற்றும் திரிஷா ஆகியோர் முக்கிய கதாபாத்திரங்களில் நடித்த 96 படத்தை இயக்குனர் பிரேம்குமார் 2018ஆம் ஆண்டில் இயக்கியிருந்தார். இந்த படம் ரசிகர்களிடையே பல்வேறு விதங்களில் பெரும் வரவேற்பைப் பெற்றது மற்றும் மிகப்பெரிய வெற்றிகரமான திரைப்பெரும் கொண்டாட்டமாக மாறியது. அதன் பின்னர் ஆறு ஆண்டுகள் கழித்து பிரேம்குமார் தனது அடுத்த படமாக மெய்யழகன் படத்தை இயக்கினார்.
இந்நிலையில், தற்போது 96 படத்தின் இரண்டாம் பாகம் உருவாகவுள்ளது. இந்த படத்தின் கதைக்களம் சிங்கப்பூர் மற்றும் மலேசியா ஆகிய இடங்களில் நடக்கும்படியாக அமைக்கப்பட்டுள்ளதாக கூறப்படுகிறது. மேலும், இந்த படத்தை ஐசரி கணேசின் வேல்ஸ் பிலிம்ஸ் நிறுவனம் தயாரிக்கவுள்ளது.
96 படத்தின் முதல் பாகத்தில் திரிஷா வெளிநாட்டிலிருந்து தனது பள்ளி நண்பர்களை சந்திக்க வருவது கதைக்களமாக இருந்தது. ஆனால் இப்போது கதைக்களம் வெளிநாட்டிலேயே அமைக்கப்பட இருப்பதால் விஜய் சேதுபதி அங்கு செல்வாரா என்பதைக் குறித்து ரசிகர்கள் கேள்வி எழுப்பி வருகின்றனர். இதற்கான பதில் விரைவில் கிடைக்கும் என எதிர்பார்க்கப்படுகிறது. மேலும், 96 பார்ட் 2 பற்றிய அதிகாரப்பூர்வ அறிவிப்பு விரைவில் வெளியாகும் என நம்பப்படுகிறது.
