வெற்றிமாறன் இயக்கத்தில் நடிக்கிறாரா சிம்பு? வெளியான புது தகவல்!

கமலுடன் சிம்பு நடித்துள்ள தக்லைப் படத்தை தொடர்ந்து பார்க்கிங் படத்தை இயக்கிய ராம்குமார் பாலகிருஷ்ணன் இயக்கும் தன்னுடைய 49 வது படத்தில் நடிக்கிறார் சிம்பு. 

அதையடுத்து தேசிங்கு பெரியசாமி இயக்கும் தனது 50 வது படத்தில் நடிக்கும் சிம்பு, பின்னர் டிராகன் படத்தை இயக்கிய அஸ்வத் மாரிமுத்து இயக்கும் தனது 51 வது படத்தில் நடிக்க போகிறார். அப்படத்தை ஏஜிஎஸ் நிறுவனம் தயாரிக்கிறது.

 இப்படி அடுத்தடுத்து சிம்பு நடிக்கும் மூன்று படங்களை குறித்த அறிவிப்பு ஏற்கனவே வெளியான நிலையில், தற்போது இந்த படங்களை முடித்ததும் வெற்றிமாறன் இயக்கும் ஒரு படத்தில் அவர் நடிக்க போவதாக ஒரு புதிய தகவல் வெளியாகி இருக்கிறது. என்றாலும் சம்பந்தப்பட்டவர்கள் இது குறித்து எந்த ஒரு தகவலும் வெளியிடவில்லை என்பது குறிப்பிடத்தக்கது.