டான் திரைப்படத்தின் மூலம் தமிழ் சினிமாவில் இயக்குநராக அறிமுகமானவர் சிபி சக்ரவர்த்தி. அதன் பின்னர் சில ஆண்டுகள் கடந்திருந்தாலும், அவரது அடுத்த படத்தை பற்றிய எந்தவொரு அதிகாரப்பூர்வ அறிவிப்பும் வெளியாகவில்லை. இதற்கிடையில், ரஜினிகாந்த் உடன் பேச்சுவார்த்தை நடத்தியதாக தகவல் வந்தது., சில தெலுங்கு நடிகர்களுடனும் அவர் பேச்சுவார்த்தை நடத்தியதாக கூறப்படுகிறது.
ஆனால், அவை எந்த முறையும் அடுத்த கட்டத்திற்கு செல்லாமல் இருந்த நிலையில், சிவகார்த்திகேயனின் 24வது படத்தை இயக்க அவர் தயார் ஆகிறார் என்ற செய்தி வெளியானது. ஆனால் தற்போது, சிபி சக்ரவர்த்தி இந்த படத்திலிருந்து விலகியுள்ளதாக தகவல்கள் வெளியாகியுள்ளன.
கிடைத்த புதிய தகவலின் படி, நானி நடிக்கும் ஒரு படத்தை இயக்குவதற்கான வாய்ப்பு அவருக்கு கிடைத்துள்ளதாகவும், அந்த படம் முடிந்த பிறகு சிவகார்த்திகேயனுடன் மீண்டும் இணைவார் எனவும் கூறப்படுகிறது.
