‘சதுரங்க வேட்டை’ திரைப்படம் மூலம் தமிழ் திரைத்துறையில் இயக்குநராக அறிமுகமானவர் எச். வினோத். இவர் இயக்கிய அந்த முதல் படமே ரசிகர்களிடையே சிறப்பான வரவேற்பைப் பெற்றது. இதன் தொடர்ச்சியாக ‘நேர்கொண்ட பார்வை’, ‘வலிமை’, ‘துணிவு’, ‘தீரன் அதிகாரம் ஒன்று’ ஆகிய வெற்றிப்படங்களை இயக்கி, தமிழ்ச் சினிமாவில் தனக்கென ஒரு இடத்தைப் பெற்றார்.
தற்போது இவர், விஜய் நடித்து வரும் ‘ஜனநாயகன்’ திரைப்படத்தை இயக்கி வருகிறார். இது விஜய்யின் கடைசி படம் என்பதால் ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது. இப்படம் வரும் ஆண்டின் ஜனவரி மாதம் 9ஆம் தேதி திரையரங்குகளில் வெளியாக உள்ளதாக அறிவிக்கப்பட்டுள்ளது.
இந்நிலையில், ‘ஜனநாயகன்’ திரைப்படத்திற்குப் பிறகு எச். வினோத் இயக்க உள்ள அடுத்தப்படம் குறித்து முக்கிய தகவல் வெளியாகியுள்ளது. அதன் படி, தனுஷ் நடிப்பில் ஒரு புதிய படத்தை அவர் இயக்கவுள்ளார். இப்படத்தை லலித் குமார் தயாரிக்கவுள்ளதுடன், இசையமைப்பாளராக சாம் சி.எஸ் பணியாற்ற உள்ளார் என தகவல்கள் வெளியாகியுள்ளன. இதற்கான ஆரம்பக் கட்ட பணிகள் விரைவில் தொடங்க உள்ளன என்றும் கூறப்படுகிறது.
