தமிழ் திரையுலகில் இருந்து பாலிவுட் வரை சென்று வெற்றி பெற்ற இயக்குனர் அட்லீ. ‘ராஜா ராணி’ படத்தின் மூலம் இயக்குனராக அறிமுகமான அவர், தொடர்ந்து விஜய் நடித்த தெறி, மெர்சல், பிகில் போன்ற சூப்பர்ஹிட் படங்களை இயக்கி புகழ்பெற்றார்.
பின்னர், பாலிவுட்டில் தனது அறிமுக படமாக ஷாருக் கானை வைத்து இயக்கிய ‘ஜவான்’ திரைப்படம் ரூ. 1,200 கோடி வசூல் செய்து சாதனை படைத்தது.
தற்போது, அட்லீ தெலுங்கு சூப்பர்ஸ்டார் அல்லு அர்ஜுனை வைத்து ஒரு புதிய திரைப்படத்தை இயக்கவுள்ளதாக தகவல் வெளியாகியுள்ளது. மேலும், இப்படத்தினை சன் பிக்சர்ஸ் தயாரிக்க உள்ளது என்றும் கூறப்படுகிறது.முன்னதாக, இந்தப் படத்தில் அல்லு அர்ஜுனோடு மற்றொரு நடிகர் முக்கிய கதாபாத்திரத்தில் நடிக்கவுள்ளதாக தகவல் வந்த நிலையில், அந்த நடிகர் தமிழில் முன்னணி நடிகராக இருக்கும் சிவகார்த்திகேயன் என்று ஒரு ஆதாரமில்லாத தகவல் பரவி வருகிறது. மேலும், ஹீரோயினாக ஜான்வி கபூர் நடிக்க இருப்பதாகவும் தகவல் வெளியாகி உள்ளது.
