பத்து ஆண்டுகளுக்கு முன்னர், ‘நேரம்’ மற்றும் ‘பிரேமம்’ ஆகிய இரண்டு வெற்றிப் படங்களை மலையாளத்தில் இயக்கியதன் மூலம் தமிழ் சினிமா ரசிகர்களிடமும் பிரபலமானவர் இயக்குனர் அல்போன்ஸ் புத்ரன். ‘பிரேமம்’ படத்தின் வெற்றிக்கு பிறகு, அவர் இயக்கத்தில் ஏழு ஆண்டுகள் இடைவெளி எடுத்தார்.
அதன் பிறகு, பிரித்விராஜ் மற்றும் நயன்தாராவை வைத்து இயக்கிய ‘கோல்ட்’ திரைப்படம் அளவிற்கு வரவேற்பு பெறவில்லை. பின்னர், தமிழ் சினிமாவில் நடன இயக்குனர் சாண்டியை நாயகனாக வைத்து ஒரு புதிய படத்தை இயக்குகிறார் என்ற அறிவிப்பு வெளியாகியிருந்தது. ஆனால், அதன் பிறகு அதுகுறித்த அப்டேட்டும் வெளியாகவில்லை.
இந்நிலையில், தற்போது மலையாளத்தில் உருவாகி வரும் ‘பல்டி’ என்ற படத்தில், அல்போன்ஸ் புத்ரன் நடிகராக அறிமுகமாகியுள்ளார். இளம் நடிகர் ஷேன் நிகம் கதாநாயகனாக நடித்துள்ள இந்த படத்தில், ‘சோடா பாபு’ என்ற வில்லனாக அவர் நடித்துள்ளார். இப்படத்தில் அவருடைய கதாபாத்திரம் குறித்த ஒரு நிமிட டீசர் வெளியாகி ரசிகர்களிடையே ஆச்சரியத்தையும், ஆர்வத்தையும் ஏற்படுத்தியுள்ளது. இந்தப் படத்தை உன்னி சிவலிங்கம் இயக்கி வருகிறார். படம் வரவிருக்கும் ஓணம் பண்டிகையை முன்னிட்டு திரைக்கு வரவுள்ளது.
