நடிகர் தனுஷ், கடந்த சில வாரங்களாக தனது ரசிகர்களை நேரில் சந்தித்து, அவர்களுடன் புகைப்படம் எடுத்து, அவர்களுக்கு விருந்து வழங்கி வருகிறார். இதனால், பலர் அவருக்கு அரசியல் ஆசையா என கேள்வி எழுப்பினர். இதற்கான விளக்கம் என்னவென்றால், கடந்த சில ஆண்டுகளாக ரசிகர்களும், அவரது ரசிகர் மன்ற நிர்வாகிகளும் அவருடன் புகைப்படம் எடுக்க ஆசைப்பட்டிருந்தனர். ஏதோ ஒரு காரணத்தால் அது நிஜமாவடையவில்லை. தற்போது அந்த ஆசையை நிறைவேற்றி வருகிறார் தனுஷ்.
ஒவ்வொரு ஞாயிற்றுக்கிழமையும் ஆயிரக்கணக்கான ரசிகர்களுடன் புகைப்படம் எடுத்துப் பாராட்டு தெரிவித்து வருகிறார். மேலும், அவர்களுக்கு சைவம் மற்றும் அசைவம் கொண்ட விருந்துகளை வழங்குகிறார். குடும்பத்தினருக்கு பட்டுப் புடவை, குழந்தைகளுக்கு சாக்லெட் மற்றும் பள்ளிபை ஆகியனவற்றையும் பரிசாக அளித்து வருகிறார். இது அனைத்தும் திட்டமிட்ட முறையில் ரசிகர் மன்றத்தின் மூலம் நடைபெறுகிறது. கடந்த ஞாயிறு, சென்னை மற்றும் அதன் சுற்றுவட்டார பகுதிகளைச் சேர்ந்த 1000-க்கும் மேற்பட்ட ரசிகர்களுடன் புகைப்படம் எடுத்தார்.
இந்த வாரம் புதுச்சேரி, கடலூர் மற்றும் விழுப்புரம் பகுதிகளைச் சேர்ந்த 2000-க்கும் மேற்பட்ட ரசிகர்கள் மற்றும் அவர்களது குடும்பங்களை நேரில் சந்தித்தார். இதுவரை, பத்து மாவட்டங்களில் உள்ள ரசிகர் மன்ற நிர்வாகிகளைச் சந்தித்து விட்டார். இந்தியா முழுவதும் உள்ள ரசிகர் மன்ற நிர்வாகிகளை எதிர்காலத்தில் சந்திக்க திட்டமிட்டுள்ளார்.
