இந்தியில் வரவேற்பைப் பெற்றுவரும் பரியேறும் பெருமாள் படத்தின் ரீமேக்கான ‘தடக் 2’ !

தமிழில் மாரி செல்வராஜ் இயக்கிய பரியேறும் பெருமாள் ஹிந்தியில் தடக் 2 படமாக நேற்று (ஆக.1) வெளியானது. கரண் ஜோஹரின் தர்மா புரோடக்ஷன்ஸ் நிறுவனம் தயாரிப்பில் இயக்குநர் ஷாசியா இக்பால் இந்தப் படத்தை இயக்கியுள்ளார்.முன்னணி கதாபாத்திரங்களில் சித்தார்த் சதுர்வேதி, திருப்தி திம்ரி உள்ளிட்டோர் நடித்துள்ளனர். இப்படம் வெளியானது முதல் ரசிகர்களிடையே நல்ல வரவேற்பை பெற்று வருகிறது.இயக்குநர் நாகராஜ் மஞ்சுலே இயக்கத்தில் மராத்தியில் வெளியாகி பெரும் தாக்கத்தை ஏற்படுத்திய சாய்ரத் (sairat) திரைப்படம் ஹிந்தியில் தடக் என்கிற பெயரில் ரீமேக் செய்யப்பட்டது. தடக் மற்றும் பரியேறும் பெருமாள் படத்தின் கதைக்களமும் கிட்டத்தட்ட ஒரே விஷயத்தை பேசுவதாக இருந்ததால் பரியேறும் பெருமாள் தடக் 2வாக இந்தியில் ரீமேக் செய்யப்பட்டது என்பது குறிப்பிடத்தக்கது.