சிவகார்த்திகேயன், சாய் பல்லவி நடிப்பில் ராஜ்குமார் பெரியசாமி இயக்கியிருக்கும் ‘அமரன்’ திரைப்படம், ராஜ் கமல் இன்டர்நேஷனல் நிறுவனம் தயாரிப்பில் உருவாகி உள்ளது. மறைந்த ராணுவ மேஜர் முகுந்த் வரதராஜனின் வாழ்க்கையை மையமாகக் கொண்டு உருவாக்கப்பட்ட இப்படத்திற்கு ஜி.வி. பிரகாஷ் இசையமைத்துள்ளார்.
ரஜினிகாந்த், சூர்யா, ஜோதிகா, சிம்பு, அனிருத் உள்ளிட்ட திரைப் பிரபலங்கள் படத்தை பாராட்டியுள்ளன. மக்கள் மத்தியிலும் இப்படத்திற்கு நல்ல வரவேற்பு கிடைத்துள்ளது. இதன் பாடல்களும் பெரும் வரவேற்பைப் பெற்றுள்ளன, குறிப்பாக ‘ஹே மின்னலே’ பாடல் யூடியூபில் 1 கோடிக்கும் மேற்பட்ட பார்வைகளை எட்டியுள்ளது. இந்நிலையில் சிவகார்த்திகேயன், ஜி.வி. பிரகாஷுக்கு வாட்ச் ஒன்றைப் பரிசளித்துள்ளார்.
இதனை ஜி.வி. தனது எக்ஸ் தளத்தில் பகிர்ந்து, சிவகார்த்திகேயனுக்கு நன்றி தெரிவித்துள்ளார். “அமரன் வெற்றிக்காக இனிய பரிசு அளித்ததற்கு நன்றி சிவகார்த்திகேயன்” என நெகிழ்ச்சியுடன் பதிவிட்டுள்ளார்.
