‘ஹைவான்’ படத்தில் சிறப்பு தோற்றத்தில் நடிக்கும் நடிகர் மோகன்லால்!

பிரபல மலையாள இயக்குனர் பிரியதர்ஷன், மலையாளத்திலும் ஹிந்தியிலும் தொடர்ந்து படங்களை இயக்கி வருகிறார். தற்போது அவர் ஹிந்தியில் ‘ஹைவான்’ என்ற படத்தை இயக்கி வருகிறார். இது, அவர் மோகன்லாலை வைத்து இயக்கிய மலையாள திரைப்படம் ‘ஒப்பம்’–ன் ரீமேக் ஆகும்.

இந்த ஹிந்தி ரீமேக்கில் அக்ஷய் குமார் மற்றும் சைப் அலி கான் இணைந்து நடிக்கின்றனர். படத்தின் கதை கேரளாவைச் சுற்றி நகர்வதால், பெரும்பாலான படப்பிடிப்பும் கொச்சி மற்றும் அதனைச் சுற்றியுள்ள பகுதிகளில் நடைபெற்றது.

இந்நிலையில், பிரியதர்ஷனின் ஆஸ்தான ஹீரோவான மோகன்லால், இந்த படத்தில் ஒரு சிறப்பு தோற்றத்தில் (cameo) நடிக்கிறார். தற்போது அவரது காட்சிகளின் படப்பிடிப்பு நடந்து கொண்டிருக்கிறது. இதுகுறித்த படப்பிடிப்பு still புகைப்படமும் தற்போது வெளியானது.