‘நான் வைலன்ஸ்’ படத்தில் ஒரு சிறப்பு பாடலுக்கு நடனமாடியுள்ள நடிகை ஸ்ரேயா சரண்!

தமிழில் ‘மெட்ரோ’, ‘கோடியில் ஒருவன்’ போன்ற படங்களை இயக்கியவர் இயக்குநர் ஆனந்த் கிருஷ்ணன். அவர் கடந்த சில மாதங்களாக ‘நான் வைலன்ஸ்’ என்ற புதிய படத்தை இயக்கி வருகிறார். இதில் மெட்ரோ சிரிஷ், பாபி சிம்ஹா, யோகி பாபு, அதிதி பாலன், கருடா ராம் உள்ளிட்ட பலர் முக்கிய கதாபாத்திரங்களில் இணைந்து நடித்துள்ளனர்.

இந்த படத்திற்கு இசையமைப்பாளராக யுவன் சங்கர் ராஜா பணியாற்றுகிறார். சமீபத்திய தகவலின்படி, இப்படத்தில் நடிகர் சிரிஷ் உடன் இணைந்து ஒரு சிறப்பு பாடலுக்காக நடிகை ஸ்ரேயா சரண் இப்படத்தில் நடனமாடியுள்ளார்.

இதற்கு முன்பு நடிகர் சூர்யா நடித்த ‘ரெட்ரோ’ படத்திலும் நடிகை ஸ்ரேயா சரண் ஒரு சிறப்பு பாடலுக்கு நடனமாடியிருந்தது குறிப்பிடத்தக்கது. தற்போது ‘நான் வைலன்ஸ்’ திரைப்படம் ஜெயில் பின்னணியை மையமாகக் கொண்ட ஆக்ஷன் திரில்லர் கதையாக உருவாகி வருகிறது.