சிரஞ்சீவி – நயன்தாரா நடிக்கும் படத்தில் இணைந்த குட் பேட் அக்லி நடிகர்!

சிரஞ்சீவி, இயக்குநர் அனில் ரவிபுடி இயக்கத்தில்  ‛மன சங்கர வர பிரசாத் கரு’ என்ற படத்தில் நடித்து வருகிறார். இப்படத்தின் முதல் பாடல் ‛மீசால பில்லா’ புரோமோ நேற்று வெளியிடப்பட்ட நிலையில், முழுப் பாடலுக்காக ரசிகர்கள் காத்திருக்கின்றனர்.

இதில், அஜித் நடித்த ‛குட் பேட் அக்லி’, நானியின் ‛தசரா’, ஜூனியர் என்டிஆர் நடித்த ‛தேவரா’ படங்களில் நடித்த மலையாள நடிகர் ஷைன் டாம் சாக்கோ முக்கிய வில்லனாக நடிப்பதாக தகவல் வெளியாகியுள்ளது. விரைவில் இதற்கான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

இப்படத்தில் நயன்தாரா கதாநாயகியாக, கேத்தரின் தெரசா மற்றொரு முக்கிய வேடத்தில் நடிக்கிறார்கள். ஷைன் ஸ்கிரீன்ஸ் தயாரிக்கும் இப்படத்திற்கு பீம்ஸ் செசிரோலியோ இசையமைக்கிறார். படம் 2026 பொங்கல் பண்டிகைக்கு வெளியாக உள்ளது.