தமிழ் திரைப்பட உலகில் முன்னணி நடிகரான சிவகார்த்திகேயன், பிரபல இயக்குநர் ஏ.ஆர். முருகதாஸ் இயக்கத்தில் தனது 23வது படமான ‘மதராஸி’ திரைப்படத்தில் நடித்து முடித்துள்ளார். இந்தப் படத்தில் ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் உள்ளிட்டோர் முக்கிய கதாபாத்திரங்களில் நடித்துள்ளனர்.
ஸ்ரீ லட்சுமி மூவிஸ் நிறுவனம் இந்தப் படத்தை தயாரித்துள்ளது. இப்படத்திற்கான இசையை அனிருத் அமைத்துள்ளார். வருகிற செப்டம்பர் 5ஆம் தேதி இப்படம் திரையரங்குகளில் வெளியாக உள்ளது.
மதராஸி திரைப்படம் வெளியாக இன்னும் சில நாட்களே இருக்கும் நிலையில், படக்குழு படத்தின் கிளிம்ப்ஸ் வீடியோ பற்றிய அறிவிப்பை வெளியிட்டுள்ளது. அதன்படி, ‘கூலி’ படத்தின் இடைவேளையின் போது, சிவகார்த்திகேயன் நடிப்பில் உருவான ‘மதராஸி’ படத்தின் (Extended) கிளிம்ப்ஸ் வீடியோ வெளியிடப்படும் என படக்குழு அறிவித்துள்ளது.
