தனுஷ் அறிமுகமான ‘துள்ளுவதோ இளமை’ திரைப்படத்தில் அவருடன் சமமான கதாபாத்திரத்தில் நடித்தவர் அபினய். அதன் பின்னர் சில படங்களில் நடித்த அவர், பல ஆண்டுகள் திரை உலகில் இருந்து விலகினார்.
சில மாதங்களுக்கு முன்பு, அவர் உடல்நலக் குறைவால் அவதிப்பட்டு, மருத்துவ சிகிச்சை பெற்று வரும் புகைப்படம் இணையத்தில் வைரலானது. அந்தப் புகைப்படத்தில் அவர் அடையாளம் தெரியாத அளவுக்கு உடல்நிலை பாதிக்கப்பட்டிருந்தது.
பல ஆண்டுகளாக கல்லீரல் பிரச்சினையால் அவதிப்பட்டு வரும் அவருக்கு மருத்துவ உதவி தேவைப்படுகிறது. இதற்காக கேபிஓய் பாலா ஒரு லட்சம் ரூபாய் அளித்து உதவி செய்தார். மேலும், அவரது நண்பர்களும் சிலர் உதவி செய்துள்ளனர். அவருக்கு கல்லீரல் மாற்று அறுவைச் சிகிச்சை அவசியம் தேவைப்படுகிறது, இதற்கான செலவு சுமார் 30 லட்சம் ரூபாயாக இருக்கும் என கூறப்படுகிறது. தொடர்ந்து அவருக்கு சில உதவிகள் கிடைத்து வருகின்றனர். ஆனால், அவர் தற்போது கடுமையான பொருளாதார நெருக்கடியில் உள்ளார். இந்நிலையில், அவருடன் நடித்த தனுஷ், ரூ.5 லட்சம் அளித்து அவருக்கு உதவி செய்துள்ளார்.
