கதாநாயகனாக அறிமுகமாகிறாரா இயக்குனர் ஷங்கரின் மகன் அர்ஜித் ஷங்கர்? வெளியான அப்டேட்!

இயக்குநர் ஷங்கர், பிரமாண்டமான படங்களை இயக்குவதில் புகழ்பெற்றவர். அவரது மகள் அதிதி ஷங்கர், ஏற்கனவே சில தமிழ் திரைப்படங்களில்‌  கதாநாயகியாக நடித்துள்ளார். இப்போது தெலுங்கு உள்ளிட்ட சில படங்களில் நடித்துவருகிறார்.

இதனையடுத்து, ஷங்கரின் மகனான அர்ஜித் ஷங்கர் கடந்த சில ஆண்டுகளாக இயக்குநர் ஏ.ஆர். முருகதாஸின் உதவியாளராக பணியாற்றி வந்துள்ளார். இந்நிலையில், அவர் தற்போது ஒரு புதிய திரைப்படத்தில் கதாநாயகனாக அறிமுகமாக உள்ளார் என்ற தகவல் வெளியாகியுள்ளது. இந்த திரைப்படத்தை, அட்லீயின் உதவி இயக்குநராக பணியாற்றிய சிவா என்றவர் இயக்குகிறார்.

இந்த படத்தை பேஷன் ஸ்டுடியோஸ் நிறுவனம் தயாரிக்க இருப்பதாக தகவல்கள் வெளியாகியுள்ளன. இந்தப் படத்துக்கான அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.