எஸ்.ஜே.சூர்யா இயக்கி நடிக்கும் ‘கில்லர்’ படத்தின் ஃபர்ஸ்ட் லுக் போஸ்டர் வெளியானது!

தென்னிந்திய திரையுலகின் முன்னணி நடிகரான எஸ்.ஜே.சூர்யா தற்போது அவரது கனவு படத்தை இயக்குகிறார். அவர் இயக்கி நடிக்கும் இந்த திரைப்படத்திற்கு ‘கில்லர்’ என பெயரிடப்பட்டுள்ளது.கதாநாயகியாக நடிகை பிரீத்தி அஸ்ரானி இப்படத்தில் நடிக்கிறார்.

ஸ்ரீ கோகுலம் மூவிஸ் நிறுவனம் தயாரிக்கும் இந்த படம், தமிழ், மலையாளம், தெலுங்கு, கன்னடம் மற்றும் இந்தி மொழிகளில் ஒருங்கே பான் இந்தியா அளவில் வெளியிட திட்டமிடப்பட்டுள்ளது. 

இப்படத்திற்கு ஏ.ஆர். ரகுமான் இசையமைக்கிறார். கடந்த 27ஆம் தேதி இப்படத்தின் படப்பிடிப்பு பூஜை  நடைபெற்றது. இந்த நிலையில், எஸ்.ஜே.சூர்யாவின் ‘கில்லர்’ திரைப்படத்தின் இரண்டு ஃபர்ஸ்ட் லுக் போஸ்டரை படக்குழுவினர் வெளியிட்டுள்ளனர். இந்த ஃபர்ஸ்ட் லுக் போஸ்டர்கள் வைரலாகி வருகின்றன.