2021ஆம் ஆண்டு ஓடிடி தளமான நெட்பிளிக்சில் வெளியாகி உலகம் முழுவதும் பெரும் வரவேற்பைப் பெற்ற தொடர் தான் ‘ஸ்குவிட் கேம்’. மொத்தம் 9 எபிசோட்கள் கொண்ட இந்தத் தொடரை பிரபல கொரிய இயக்குனர் ஹ்வாங் டாங்-ஹியூக் இயக்கியிருந்தார். இது நெட்பிளிக்சில் வெளியாகிய தொடருகளில் மிக அதிக பார்வையாளர்களைப் பெற்றதாகவும், உலக அளவில் பேசப்பட்டதாகவும் கூறப்படுகிறது.
இந்த தொடர் வெற்றியடைந்ததைத் தொடர்ந்து, இதன் இரண்டாவது சீசன் கடந்த ஆண்டு டிசம்பர் மாதம் வெளியாகியது. இரண்டாவது சீசனின் முடிவில் ஏற்பட்ட எதிர்பார்ப்பால், ரசிகர்கள் அடுத்த பாகம் எப்போது வரும் என ஆவலுடன் காத்திருந்தனர். அந்த எதிர்பார்ப்புக்கு ஏற்ப, நேற்று ‘ஸ்குவிட் கேம்’ தொடரின் மூன்றாவது சீசன் நெட்பிளிக்சில் வெளியாகியுள்ளது.
இந்த மூன்றாவது சீசன் தான் ‘ஸ்குவிட் கேம்’ தொடரின் கடைசி பாகமாகும். இதில் மொத்தம் 6 எபிசோட்கள் இடம்பெற்றுள்ளன. ஒவ்வொன்றும் திருப்பங்களால் நிரம்பி, ரசிகர்களை ஆட்டிப்படைக்கும் வகையில் உள்ளது.
