தெலுங்கில் பிரம்மாண்டமான வரலாற்று பின்னணியில் உருவாகி வரும் படம் ‘கண்ணப்பா’. மகாபாரதம் தொடரை இயக்கிய முகேஷ் குமார் சிங் இந்த படத்தை இயக்கி வருகிறார். இந்த திரைப்படம் வரலாற்று பின்னணியில் சிவ பக்தர் கண்ணப்பரை மையமாக கொண்டு உருவாகி வருகிறது.
இதில் விஷ்ணு மஞ்சு முக்கிய கதாபாத்திரமான கண்ணப்பராக நடிக்கிறார். மேலும், காஜல் அகர்வால், பீர்த்தி முகுந்தன் ஆகியோர் முக்கிய வேடங்களில் தோன்றவிருக்கின்றனர். இதற்குபிறகு, மோகன் பாபு, பிரபாஸ், சரத்குமார், மோகன்லால், அக்ஷய் குமார் ஆகியோர் சிறப்பு தோற்றங்களில் நடிக்கின்றனர்.
தற்போது, இப்படத்தில் பிரபாஸ் ‘ருத்ரா’ என்ற கதாபாத்திரத்தில் நடித்துள்ளதாகத் தெரியவந்துள்ளது. அவருடைய தோற்றம் கொண்ட புதிய போஸ்டரை படக்குழு வெளியிட்டுள்ளது. இந்த திரைப்படம் பல்வேறு மொழிகளில், பான் இந்தியா படமாக, வரும் ஏப்ரல் 25ஆம் தேதி திரையரங்குகளில் வெளியாகவிருக்கிறது.
